नवरगाव : सिंदेवाही पोलिस स्टेशनअंतर्गत येणाऱ्या रत्नापूर येथे सहा वर्षीय अल्पवयीन मुलीवर अतिप्रसंग करण्याचा प्रयत्न करणाऱ्या आरोपीला पोलिसांनी अटक केली. ही घटना सोमवारी सकाळी उघडकीस आली.

सहा वर्षीय मुलगी अंगणात खेळत असताना तिला घरात नेऊन तिच्यावर अतिप्रसंग करण्याचा प्रयत्न करण्यात आला. या प्रकरणी पोलिसात तक्रार दिल्यानंतर पोलिसांनी किशोर मधुकर दडमल (२८) याला अटक केली आहे. आरोपीवर ५३/२०२५ कलम ६५ (२) भान्यासंसह कलम ४, १२ पोक्सो अन्वये गुन्हा नोंद करण्यात आला आहे. घटनेचा पुढील तपास पोलिस निरीक्षक विजय राठोड यांच्या मार्गदर्शनात पोलिस उपनिरीक्षक प्रेमनाथ ठवकर, नारायण येगेवार शभांगी भांडेकर करीत आहेत.

सोनापूर शिवारातील घटना : दुचाकीमुळे घटना उघडकीस

पोंभूर्णा : तालुक्यातील सोनापूर येथील एका युवकाने मित्रांसोबत थर्टी फर्स्टची पार्टी केल्यानंतर विहिरीत उडी घेऊन आत्महत्या केली. ही घटना बुधवारी (दि. १) सकाळी ९ वाजताच्या सुमारास उघडकीस आली. विकास परशुराम वडस्कर (२७) असे मृतकाचे नाव आहे. आत्महत्येचे कारण कळू शकले नाही. नववर्षाच्या पहिल्याच दिवशी अशी घटना घडल्याने गावात हळहळ व्यक्त होत आहे.

थर्टी फर्स्टच्या निमित्ताने मित्रांनी सोनापूर येथे पार्टी आयोजन केली होती. या पार्टीत विकास वडस्कर हा युवक सहभागी झाला. पार्टी आटोपल्यानंतर स्वतःच्या घरी आला. कुणालाही न सांगता एम. एच. ३४ बि. के. ६७७१ दुचाकी घेऊन घराबाहेर निघाला. विकास सकाळी घरी न आल्याने वडिलाने मित्रांकडे चौकशी केली. नातेवाइकांनाही कळविले. मात्र, विकासचा कुठेही पत्ता लागला नाही.

दरम्यान, बुधवारी सकाळी ९ वाजेच्या सुमारास काही व्यक्तींना गावातीलच शरद ठेंगणे यांच्या शेतातील विहिरीजवळ दुचाकी उभी असल्याचे दिसून आले. विहिरीत चप्पल तरंगताना दिसत होती. माहिती मिळाल्यानंतर पोलिस घटनास्थळी दाखल झाले. त्यांनी विहिरीत गळ टाकला असता विकासचा मृतदेह आढळून आला. पोलिसांनी मृतदेह बाहेर काढून पंचनामा केला. शवविच्छेदनानंतर मृतदेह कुटुंबाकडे सोपविण्यात आला. आत्महत्याचे कारण कळू शकले नाही.

कोरपना : पोलिस भरतीसाठी तयारी करणाऱ्या युवक व युवतीचा कोरपना तालुक्यातील भोयगावजवळील पैनगंगा नदीत बुडून मृत्यू झाला. ही दुर्दैवी घटना रविवारी (दि. १५) सकाळी ९ वाजताच्या दरम्यान घडली. संध्या शिंदे (२०, रा. जिवती) व युगल नागापुरे (१९, सोनापूर ता. गोंडपिपरी) अशी मृतकांची नावे आहेत. चंद्रपुरातील एका युवतीला वाचविण्यात यश आले.

चंद्रपुरातील आदर्श फिजिकल ग्रुपचे संचालक आदर्श चिवंडे हे पोलिस भरतीसाठी सराव करण्यास प्रशिक्षण केंद्र चालवतात. त्यांनी संस्थेतील एकूण ३६ विद्यार्थ्यांना व्यायाम करण्यासाठी रविवारी धानोरा भोयगाव मार्गावरील पैनगंगा नदीवर

आणले होते. व्यायाम झाल्यानंतर काही प्रशिक्षणार्थी पैनगंगा नदीच्या पात्रात उतरले. मात्र पाण्याचा अंदाज न आल्यामुळे संध्या शिंदे व समीक्षा शेंडे (२०, चंद्रपूर) हे तिघे खोल डोहात बुडाले. या युवतींना वाचविण्यासाठी युगल नागापुरे याने पाण्यात उडी मारली. मात्र, तो देखील पाण्यात बुडाला. समीक्षा शेंडे ही युवती कशीबशी बाहेर निघाली. पण, संध्या शिंदे आणि युगल नागापुरे यांचा बुडून मृत्यू झाला. उपस्थित युवकांनी मृतक संध्याचा मृतदेह बाहेर काढला. परंतु, युगलचा मृतदेह सायंकाळी ६ वाजेपर्यंत आढळून आला नाही. सोमवारी पुन्हा शोधमोहीम सुरू करू, अशी माहिती गडचांदूरचे ठाणेदार शिवाजी कदम यांनी दिली.

धाबा : छत्तीसगड राज्यातून हैदराबादकडे जात असताना भरधाव ट्रॅव्हल्स उलटल्याने २० मजूर जखमी झाले. यातील नऊ मजुरांची प्रकृती गंभीर असल्याने जिल्हा सामान्य रुग्णालयात दाखल करण्यात आले. ही घटना रविवारी (दि. १५) रात्री गोंडपिपरी तालुक्यातील दरूर येथे घडली. कविता मलगाम, माया चौधरी, निरंजन हुसवा, देवेंद्र उईके, गंजुराम मडावी, संगीता टेकाम, बिदेश मरकाम, फागेलाल धुर्वे, नरेंद्र उमरे अशी गंभीर जखमींची नावे आहेत.

छत्तीसगड राज्यातील बालाघाट जिल्ह्यातील लांजी येथील मजूर हैदराबाद येथील एका कंपनीत काम करण्यासाठी ट्रॅव्हल्सने जात होते. या ट्रॅव्हल्समध्ये ३० ते ३५ मजूर बसले होते. गोंडपिपरी तालुक्यातील दरूर येथे रात्री ही ट्रॅव्हल्स आली असता चालकाचे नियंत्रण सुटले. दरम्यान, ट्रॅव्हल्स उलटल्याने २० मजूर जखमी झाले. त्यातील विता मलगाम, माया चौधरी, निरंजन हुसवा, देंवेंद्र उईके, गंजुराम मडावी, संगीता टेकाम, बिदेश मरकाम, फागेलाल धुर्वे, नरेंद्र उमरे यांची प्रकृती गंभीर असल्याने रात्रीच जिल्हा सामान्य रुग्णालयात हलविण्यात आले. अपघातात ट्रॅव्हल्स चालकही जखमी झाला, अशी माहिती धाबा पोलिसांनी दिली.

वरोरा : विवाह सोहळ्यात मद्य प्राशन केलेल्या युवकांमध्ये हाणामारी झाल्याने दोन युवक गंभीर जखमी झाले. ही घटना मंगळवारी (दि. १०) उघडकीस आली. पोलिसांनी पाच युवकांना अटक केली. मुकेश चांदेकर (२५), मयूर गुरनुले (२४), रोहित लोणारे (२५), राजेश मडावी (३२), सुमित शेडमाके (२२, सर्व वरोरा) अशी आरोपींची नावे आहेत. प्रणय पारेदवार व सागर डखरे हे दोघे गंभीर जखमी झाले असून त्यांच्यावर उपजिल्हा रुग्णालयात उपचार सुरू आहे.

वरोरा येथील फिर्यादी जखमी प्रणय पारेदवार व त्याचा मित्र सागर डखरे हे ७ डिसेंबर २०२४ रोजी शगुन लॉन येथे विवाह समारंभात गेले होते. सोहळा

आटोपल्यावर पुढील सप्तपदी सुरू असताना प्रणय पारेदवार, सागर डखरे यांचा आरोपींसोबत वाद झाला. दरम्यान, आरोपींनी त्या दोघांना काठीने मारहाण सुरू केली. त्यात प्रणय व सागर हे दोघे गंभीर जखमी झाले. जखमींना तत्काळ उपजिल्हा रुग्णालयात हलविण्यात आले. दोघांच्या तक्रारीवरून वरोरा पोलिसांनी पाच आरोपींविरूद्ध भारतीय न्याय संहिता कलम १०९, २९६, १८९, १९०, १९१ अन्वये गुन्हा दाखल केला. आरोपींना न्यायालयात हजर केले असता ११ डिसेबरपर्यंत पोलिस कोठडी सुनावण्यात आली. पुढील तपास पोलिस निरीक्षक अजिंक्य तांबडे, सहायक पोलिस निरीक्षक शरद भस्मे, दीपक मोडक करीत आहेत.

पोंभुर्णा : वनपरिक्षेत्र चिचपल्ली उपक्षेत्र केळझर अंतर्गत सातारा तुकूम येथील कक्ष क्र. ४३६ मधील जंगलात वाघाने गुराख्यावर हल्ला केला. यात गुराखी गंभीर जखमी झाला. गुराख्याने कुन्हाड व काठी उगारल्याने वाघाने जंगलात धूम ठोकली. ही घटना मंगळवारी (दि. २) सायंकाळच्या सुमारास घडली. नामदेव पेंदोर (रा. सातारा तुकूम, ५०) असे जखमीचे नाव आहे.

नामदेव पेंदोर हे गुरे चराईसाठी जंगलात गेले होते. संध्याकाळी गुरे घेऊन गावाकडे परत येताना दबा धरून बसलेल्या वाघाने नामदेववर हल्ला चढवला. त्यात तो गंभीर जखमी झाला मात्र, जीवाची पर्वा न करता कुऱ्हाड व काठीच्या साहाय्याने वाघाला पळवून लावण्यात यशस्वी ठरला. केळझर उपक्षेत्राचे क्षेत्र सहायक एन.डब्लू, पडवे व वनरक्षक संदीप दुपारे यांनी पंचनामाकेले. गुराख्याला चंद्रपूरला हलविण्यात आले. केळझर उपक्षेत्राचे क्षेत्र सहायक एन. डब्लू, पडवे व वनरक्षक संदीप दुपारे उपस्थित होते.

वाघाच्या हल्ल्यात बैल जखमी

विरूर स्टेशन : शेतात बांधून ठेवलेल्या बैलावर वाघाने हल्ला करून जखमी केल्याची घटना सोमवारी (दि. २) दुपारी १२:३० वाजताच्या सुमारास सुब्बई शिवारातील थोमापूर येथे घडली. हा बैल वीरेंद्र पवार यांच्या मालकीचा आहे.

काही दिवसांपासून सुबई शेतशिवारात भरदिवसा वाघाचे दर्शन होत आहे. त्यामुळे शेतात जाण्यास शेतकरी, मजूर व महिला घाबरत आहेत. परिसरात भरदिवसा वाघाचे दर्शन झाल्याने नागरिकांनी वनविभागाला माहिती दिली. परंतु विरूर वनविभागातील अधिकाऱ्यांनी बंदोबस्त केला नाही. याच घटनेबाबत नाराजी उमटत असताना वीरेंद्र पवार यांच्या बैलावर वाघाने हल्ला केला. यात बैल गंभीर जखमी झाला. वनविभागाने वाघाला जेरबंद करावे, अशी मागणी सुब्बई परिसरातील नागरिकांनी केली आहे.

- आरोपीच्या घरातून ताब्यात घेतले पक्षी

अटकेतील आरोपीसह सहाय्यक वनसंरक्षक आदेशकुमार शेंडगे व वनकर्मचारी.

 . विसापूर : बल्लारपूर तालुक्यातील वर्धा ब्व नदीपात्रात पक्ष्यांची शिकार करून त विक्री केल्याप्रकरणी बल्लारपूर वन न विभागाने सोमवारी (दि. २५) त एकाविरुद्ध गुन्हा दाखल केला. संजय दादाजी नान्हे (३३, रा. विसापूर) असे ने आरोपीचे नाव आहे. आरोपीकडून एक ज मृत व एक जिवंत वाराबुकी पक्षी जप्त बा करण्यात आले.

वाराबुकी हे पक्षी निसर्गातील महत्त्वाचा घटक आहे. हे पक्षी ४० मैल म प्रतितास वेगाने उडतात. या पक्ष्याची त्र शिकार करून ग्राहकांना विक्री करत के असल्याची माहिती वन विभागाला ब्त मिळाली. पथकाने गुप्त माहितीच्या 1. आधारे सापळा रचला. पक्ष्यांची रे अवैधरीत्या शिकार करून ग्राहकांना त विकण्याच्या तयारीत असताना आरोपी संजय नान्हे याला ताब्यात घेण्यातआले. झडती घेतली असता त्याच्याजवळ मृत पक्षी आढळून आले. आरोपीच्या घरीदेखील जिवंत पक्षी असल्याची माहिती मिळाली. त्याच्याकडून मृत व जिवंत पक्षी व पक्षी पकडण्याचे साहित्य जप्त करण्यात आले.

आरोपीविरुद्ध वन विभागाने वन्यप्राणी (संरक्षण) अधिनियम १९७२ च्या कलम २, ९, ३९, ४४, ४९ (बी) ५०, ५१ अन्वये वन गुन्हा दाखल करण्यात आला. ही कारवाई मध्य चांदा वनविभागाच्या उपवनसंरक्षक श्वेता बोड्डू यांच्या मार्गदर्शनात सहायक वनसंरक्षक आदेशकुमार शेंडगे, वनपरिक्षेत्र अधिकारी नरेश भोवरे, पक्षी मित्र मुकेश भांदककर, क्षेत्र सहायक कोमल घुगलोत, वनरक्षक वर्षा पिपरे, सुधीर बोकडे, अनिल चौधरी, नितेश बावणे आदींच्या पथकाने केली आहे.

 चिमूर : अधिकृत प्रचाराला सुरुवात होण्यापूर्वीच उमेदवाराच्या समर्थनार्थ आयोजित कॉर्नर सभेत प्रश्न विचारल्याने भाजप कार्यकर्त्यांनी जातीवाचक शिवीगाळ करून मला मारहाण केली, अशी तक्रार केली असता पोलिसांनी स्वीकारली नाही, असा आरोप बोडधा (हेटी) शंकर रामटेके यांनी मंगळवारी (दि.५) पत्रकार परिषदेत केला. भिसी पोलिस ठाणे अंतर्गत बोडधा (हेटी) येथे मांगलगाव येथील सरपंच प्रफुल्ल कोलते यांनी भाजप उमेदवाराच्या प्रचारासाठी रविवारी सकाळी कॉर्नर सभा घेतली होती.

या सभेत हा प्रकार घडल्याचे रामटेके यांनी यावेळी सांगितले. याबाबत उपविभागीय पोलिस अधिकारी राकेश जाधव यांच्याशी संपर्क साधला असता दोन्ही बाजूने बयान नोंदविले असून त्यांनी तक्रार चौकशीत ठेवण्यात आल्याचे सांगितले.

 पिंपळगाव (भो) : ब्रह्मपुरी तालुक्यातील पिंपळगाव भो येथील सख्या पुतण्याने कुंपणाचे वादातून काकूला नालीत ढकलून डोक्यावर विटांनी प्रहार केल्याने नागपुरातील मेडिकल कॉलेजमध्ये उपचार करत होत्या. शनिवारी (दि. २६) त्यांचा उपचारादरम्यान मृत्यू झाला. सीता रामाजी टिकले (६०) असे मृतकाचे नाव आहे. पोलिसांनी आरोपी पुतण्या संदीप रामचंद्र टिकले (३५) याला पोलिसांनी अटक केली.

मृतक सीता टिकले आणि सख्खा पुतण्या संदीप टिकले यांच्या कुंपणावरून कडाक्याचे भांडण झाले. यावेळी सीताचे पती शेतात गेले होते. रागाच्या भरात आरोपी पुतण्या संदीप टिकले याने काकू सीता हिला लाथाबुक्क्याने मारत नालीत ढकलून दिले व विटांनी डोक्यावर प्रहार केला.

रक्ताच्या थारोळ्यात पडलेल्या सीता टिकले यांना नागरिकांनी ब्रह्मपुरी ग्रामीण रुग्णालयात उपचारासाठी दाखल केले. मात्र, प्रकृती गंभीर असल्याचे पाहून डॉक्टरांनी जिल्हा सामान्य रुग्णालयात भरती करण्याचा

सल्ला देण्यात आला. त्यानंतर कुटुंबीयांनी नागपूर येथील शासकीय मेडिकल कॉलेज दाखल केले. तेव्हापासून तिच्यावर उपचार सुरू होते. शनिवारी (दि. २६) दहाव्या दिवशी सीता टिकले यांचा मृत्यू झाला. पती रामाजी टिकले यांच्या तक्रारीवरून पोलिसांनी आरोपी संदीप टिकले याच्याविरुद्ध भारतीय न्याय संहिता ११८ (२),१०३ (१) अन्वये गुन्हा नोंदवून आरोपीला अटक केली. सीता टिकले हिचा दुर्दैवी मृत्यू झाल्याने गावात हळहळ व्यक्त होत आहे.

पुढील तपास ठाणेदार प्रमोद बानबले यांच्या मार्गदर्शनात सहायक पोलिस निरीक्षक स्वाती खोब्रागडे, अरुण पिसे करत आहेत.

दुसऱ्या दिवशी मिळाला सुरक्षारक्षकाचा मृतदेह

बल्लारपूर : वेकोलीतील सुरक्षारक्षकाने दुचाकी पुलावर ठेवून वर्धा नदीत उडी घेऊन आत्महत्या केली. ही घटना गुरुवारी (दि. १२) उघडकीस आली. गणेश चंद्रय्या येगेवार (३८, नांदगाव पोडे), असे मृतकाचे नाव आहे.

गणेश येगेवार यांनी १० सप्टेंबर दुपारी १२:४५च्या सुमारास घरी मोबाइल कॉल करून पुलावरून उडी मारून आत्महत्या करीत असल्याचे सांगितले. कुटुंबीयांनी पुलावर येऊन बघताच तिथे त्याची दुचाकी आढळून आली.

या घटनेची तक्रार बल्लारपूर पोलिसांना दिल्यानंतर पथक घटनास्थळी पोहोचले. तोपर्यंत रात्र झाल्याने शोधमोहीम थांबविण्यात आली. बुधवारी (दि. ११) सकाळी पुन्हा शोध सुरू केला असता दुपारी १२:३०

वाजेच्या सुमारास वर्धा नदीच्या कळमना बंधाऱ्याजवळील काठावर गणेशचा मृतदेह आढळून आला. पोलिसांनी मृतदेह ताब्यात घेऊन शवविच्छेदनासाठी ग्रामीण रुग्णालयात पाठविला. त्यानंतर कुटुंबाच्या स्वाधीन केले. मृतक गणेशला दारू व जुगाराचे व्यसन होते. त्यामुळे कर्जबाजारी होता. कर्ज कसे फेडावे यासाठी तो चिंताग्रस्त होता. याच चिंतेतून त्याने यापूर्वी तीनदा आत्महत्येचा प्रयत्न केल्याची गावात चर्चा आहे. मात्र, आत्महत्येचे नेमके कारण कळू शकले नाही.

पुढील तपास बल्लारपूरचे ठाणेदार सुनील गाडे यांच्या मार्गदर्शनात पोलिस उपनिरीक्षक विकी लोखंडे व वाकडे करीत आहेत.

भद्रावती : वाढदिवस साजरा करण्याच्या निमित्ताने शहराबाहेर नेऊन एका विधवा महिलेवर अत्याचार केल्याची घटना गुरुवारी (दि. ११) शहरात उघडकीस आली. पीडितेच्या तक्रारीवरून पोलिसांनी आरोपीला अटक केली.

रवींद्र सोनटक्के (३८, कोरपना) असे आरोपीचे नाव आहे. आरोपी सोनटक्के व पीडित महिला हे एकमेकाला दोन वर्षांपासून ओळखतात. याच ओळखीचा फायदा घेऊन आरोपीने स्वतः चा वाढदिवस साजरा करण्यास शहराबाहेर चालण्याचा आग्रह केला.

तेव्हा फिर्यादी पीडिताने आपल्या सोबत मैत्रिणीलाही घेतले. सोमवारी (दि. ९) सायंकाळी हे तिघेही मानोरा जंगल शिवाराकडे गेले. तिथे आरोपीने महिलेला मारहाण करून अत्याचार केला.

मदतीसाठी धावलेल्या मैत्रिणीलाही मारहाण केली. पीडिताच्या तक्रारीवरून पोलिसांनी गुरुवारी रवींद्र सोनटक्के याला अटक केली. पुढील तपास ठाणेदार बिपिन इंगळे करीत आहेत.

चंद्रपूर : कौटुंबिक वादातून पतीने पत्नीची चाकूने भोसकून हत्या केल्याची खळबळजनक घटना कोठारी पोलिस ठाणे अंतर्गत कुडेसावली येथे गुरुवारी (दि. १२) सकाळी ७ वाजेच्या सुमारास घडली, वंदना धनपाल रामटेके (६०, रा. कुडेसावली) असे मृत महिलेचे नाव आहे. पोलिसांनी आरोपी पती धनपाल रामटेके (६७) याच्यावर भारतीय न्याय संहिता कलम १०३ (१) अन्वये गुन्हा दाखल करून अटक केली. महिलेला वाचविण्यासाठी धावणाऱ्या शेजाऱ्यांवरही आरोपीने चाकू उगारल्याची माहिती पुढे आली आहे.

 बल्लारपूर तालुक्यातील कुडेसावली येथील धनपाल रामटेके व पत्नी वंदना यांच्यात कौटुंबिक कलहातून नेहमीच वाद होत होते. गुरुवारी सकाळी मोठा मुलगा चंद्रपूरला गेला. त्यानंतर काही वेळातच त्यांच्यात पुन्हा वाद सुरू झाला. दरम्यान, वेदना ही भांडे घासत असताना धनराजने धारदार चाकूने तिच्या पाठीत वार केले. घाबरून लगेच मागे वळली असता त्याने पुन्हा चाकू पोटात भोसकला, त्यानंतर हात समोर केला असता हातावरही चाकूने वार केला. रक्ताच्या थारोळ्यात वंदना जमिनीवर कोसळली. शेजाऱ्यांनी तिला कोठारी येथील रुग्णालयात नेले. मात्र, तिची प्रकृती अत्यंत नाजूक असल्याने बल्लारपूर येथे हलविण्यात आले, मात्र वाटेतच तिचा मृत्यू झाला. याबाबतची माहिती मिळताच कोठारीचे ठाणेदार योगेश खरसान घटनास्थळावर दाखल झाले. त्यांनी घटनेचा पंचनामा करून आरोपी धनपाल रामटेके याला अटक केली.

 जिवती : आदिवासी व अतिदुर्गम जिवती तालुका काही ना काही कारणाने चर्चेत असतो. त्यातच महावितरण उपकार्यकारी अभियंता कार्यालयात पत्त्याचा डाव रंगल्याचे छायाचित्र व चित्रफीत समाजमाध्यमांवर व्हायरल झाले. त्यामुळे महावितरणचे उपकार्यकारी कार्यालय की जुगाराचा अड्डा? असा संतप्त सवाल नागरिक विचारत आहेत.

जिवती येथील महावितरण उपकार्यकारी अभियंता कार्यालयात मुख्य तंत्रज्ञ रवींद्र गंधारे हे कार्यालयीन कामापेक्षा मनोरंजनासाठी तीन मित्रांसोबत जुगार खेळण्यात मग्न असल्याचे व्हायरल झालेल्या चित्रफितीत दिसत आहे. ज्या कार्यालयात बसून जनतेचे प्रश्न सोडवायचे असते, मात्र त्याच कार्यालयातील टेबलवर बसून

मुख्य तंत्रज्ञ गंधारे हे मित्रांसोबत जुगार खेळताना कॅमेऱ्यात कैद झाल्याचे दिसून येत आहे. हा तालुका डोंगराळ व दुर्गम भागात वसला आहे.

जोराचा पाऊस, सोसाट्याचा वारा सुटला की वारंवार विद्युत पुरवठा खंडित होण्याच्या घटना अनेक गावांत घडतात. या समस्यांचे निराकरण करण्याऐवजी मुख्य तंत्रज्ञच पत्त्यांचा डाव खेळत असल्याने कार्यप्रणालीवर नागरिक प्रश्नचिन्ह उपस्थित करीत आहेत.

           एक लोखंडी धारदार तलवार जप्त.

◾स्थानिक गुन्हे शाखा, चंद्रपूर ने गोपनीय सापळा कारवाई करत आरोपीकडून एक लोखंडी धारदार तलवार जप्त केले

    चंद्रपूर ( राज्य रिपोर्टर न्युज ) : दिनांक  28/08/24 रोजी स्थानिक गुन्हे शाखा चंद्रपूर ने  पोलीस स्टेशन रामनगर अपराधी क्र.   834/24 कलम 4 ,25 भा.ह.का. चे गुन्ह्यात गोपिनीय माहिती वरुन आरोपीस ताब्यात घेऊन त्यांचे घर झडती मध्ये एक लोखंडी धारदार व टोकदार तलवार जप्त केले. 

आरोपीचे नाव राहुल उर्फ अजय गिरिधर मादणकर वय 22 रा. राजीव गांधी वार्ड, रयतवारी ,चंद्रपूर ता. जि. चंद्रपूर यांच्या येथे  एक नग लोखंडी धारदार व टोकदार तलवार कि. 500/- रू  वर नमूद ताब्यातील  आरोपीस व मुद्देमाल पुढील तपासकामी पोलीस स्टेशन रामनगर चे ताब्यात देण्यात आले. कारवाई   पोउपनि. विनोद भूरले , नितेश महात्मे, गोपीनाथ नरोटे, अमोल सावे, प्रफुल घारघाटे सर्व स्थानिक गुन्हे शाखा चंद्रपूर

 हृदयविकाराचा झटका आल्याचा अंदाज

भद्रावती, (ता.प्र.). भद्रावती तहसील कार्यालयाच्या आवारात असलेल्या ट्रेझरी कार्यालयात रात्रीच्या वेळेस कर्तव्यावर असलेल्या एका पोलिस अधिकाऱ्याचा मृत्यू झाल्याची घटना शनिवारी (दि. 24) रात्री साडेसात वाजताच्या सुमारास घडली. मधुकर कोंडू आत्राम, (55, रा. चंद्रपूर) असे मृतक पोलिस अधिकाऱ्याचे नाव असून ते भद्रावती पोलिस स्टेशन येथे पीएसआय पदावर कार्यरत होते.

घटनेची माहिती प्राप्त झाल्यानंतर भद्रावती पोलिसांनी घटनास्थळी जाऊन पंचनामा केला व मृतदेह शवविच्छेदनासाठी येथील ग्रामीण रुग्णालयात पाठविला. मृतक मधुकर आत्राम यांची नेहमी येथील ट्रेझरी कार्यालयात रात्रीची ड्युटी राहत होती. घटनेच्या दिवशी ते नेहमीप्रमाणे ड्युटीवर

हजर झाल्यानंतर बऱ्याच वेळाने ट्रझरी कार्यालयातील लाईट बंद दिसल्याने शेजारील शासकीय विश्रामगृहाच्या कर्मचाऱ्याने जाऊन पाहिले असता ते झोपलेल्या अवस्थेत दिसले. त्याला शंका आल्याने त्याने पोलिसांना फोन केला. पोलिस घटनास्थळी आल्यानंतर आत्राम हे मृतावस्थेत आढळून आले. हृदयविकाराच्या धक्क्याने त्यांचा मृत्यू झाला असावा असा अंदाज व्यक्त होत आहे. त्यांच्या मागे दोन मुले आहेत. त्यांच्या मृत्यूमुळे सर्वत्र हळहळ व्यक्त होत आहे.

हर्ष साखरे मुख्य संपादक सुपर फास्ट बातमी 📱📱📱📱📱📱📱9518913059

सिंदेवाही तालुक्यातील नवरगाव येथे वास्तव्यास असलेल्या एका गर्भवती महिलेने पतीच्या छळाला कंटाळून विष प्राशन करून आत्महत्या केल्याची घटना घडली. नीलिमा धर्मेंद्र पराते (२१) असे मृतक महिलेचे नाव आहे.

मृतक महिलेचे नवरगाव येथील धर्मेंद्र पराते (३७) याचेशी लग्न झाले होते.

पती धर्मेंद्र हा क्षुल्लक कारणावररून निलीमाचा छळ करून मानसिक त्रास देत असल्यानेच आपल्या मुलीने विषप्राशन करून आत्महत्या केल्याची तक्रार पोलीसात मृतकाच्या आईने दाखल केली आहे. यावरून पोलिसात पती

धर्मेंद्र यांचेवर भारतीय न्याय सहिता अन्वये कलम ८५, १०८ नुसार गुन्हा नोंद करण्यात आला. या घटनेचा पुढील तपास उपविभागीय पोलिस अधिकारी ठोसरे यांच्या मार्गदर्शनात सिंदेवाही पोलिस स्टेशनचे पोलिस निरीक्षक विजय राठोड यांच्या नेतृत्वात सिंदेवाही पोलिस करीत आहे. (ता.प्र.)

नागभीड : अनैतिक संबंधातून एकाने सख्ख्या चुलत भावाचीच हत्या केल्याची घटना बुधवारी (दि. ७) वासाळा मक्ता येथे उघडकीस आली. पोलिसांनी आरोपीला अटक केली आहे. होमराज भटू भुळे (४०) असे मृतकाचे तर मोहन महादेव भुळे (३१) असे आरोपीचे नाव आहे. आरोपी आणि मृतक हे दोघेही एकमेकांचे सख्खे चुलत भाऊ आहेत

पोलिसांनी दिलेल्या माहितीनुसार मोहनचे होमराजच्या पत्नीसोबत अनैतिक संबंध होते. है अनैतिक संबंध होमराजला माहीत झाल्याने त्याची चिडचिड व पत्नीशी भांडणे वाढली. या त्रासाला पत्नीही कंटाळली होती. होमराज हा आपल्या आयुष्यातील अडसर ठरत आहे, अशी आरोपीची खात्री झाल्यानंतर त्याने आपल्यामार्गातील अडसर कायमचा दूर करण्याचे ठरविले. काही दिवसांपासून आरोपी मोहन हा होमराजच्या मागावरच होता 

घटनेच्या दिवशी मंगळवारी होमराज हा शेतावर गेला होता. ही संधी साधून आरोपी मोहन हा होमराजच्या शेतावर गेला आणि होमराज बेसावध असल्याचे पाहून धारदार शस्त्राने मानेवर वार केले. होमराज हा मृत झाल्याची खात्री झाल्यानंतर आरोपीने होमराजला शेतातील विहिरीत ढकलून दिले व साळसूदपणाचा आव आणत घरी आला.

हत्येनंतर रुग्णवाहिका बोलावण्यात आरोपीनेच घेतला पुढाकार

मुलगा घरी आला नाही म्हणून होमराजचे वडील मुलाची चौकशी करीत होते. तेव्हा आरोपी मोहन हा मृतकाच्या वडिलाची साथ देत होता, बुधवारी सकाळी आरोपीच होमराजच्या शोधासाठी पुढाकार घेत होता, मृतदेह विहिरीत आढळल्यानंतर पोलिस गावात आले. तेव्हाही तो सोबतच होता. एवढेच नाहीतर मृतदेह विहिरीतून बाहेर काढल्यानंतर रुग्णवाहिका बोलावण्यात त्याचाच पुढाकार होता. मात्र होमराजच्या अंगावरील जखमांचे व्रण लक्षात घेता ही आत्महत्या नाही तर हत्या असल्याचा संशय पोलिसांनाआला होता. त्यादृष्टीने पोलिसांची एक चमू कामाला लागली होती. 

गावातही आरोपी आणि मृतकाच्या पत्नीचेअनैतिक संबंधांची चर्चा होती. संशयावरून पोलिसांनी आरोपी मोहन याला ताब्यात घेतले आणि बोलते केले तेव्हा आरोपीने गुन्ह्याची कबुली दिली. पोलिसांनी भादंविच्या कलम २०३(१), २३८ अन्वये गुन्हा दाखल केला असून अधिक तपास अधिक तपास उपविभागीय पोलिस अधिकारी दिनकर ठोसरे यांच्या मार्गदर्शनाखाली ठाणेदार अमोल काचोरे करीत आहेत.

 आश्रम शाळेला सुटी लागल्याने आली होती गावी

 नागभीड पत्नीच्या गैरहजेरीचा फायदा घेत स्वतःच्या अल्पवयीन मुलीशी कुकर्म करून तिला गर्भवती करणाऱ्या नराधम बापास नागभीड पोलिसांनी अटक केली आहे. बाप आणि मुलीच्या नात्याला काळिमा फासणारी ही घटना नागभीड तालुक्यातील एका गावात घडली. विशेष म्हणजे, आश्रम शाळेला सुटी लागल्याने मुलगी आपल्या गावी आली होती.

पती, पत्नी आणि दोन मुले असे कुटुंब तालुक्यातील एका गावात राहत होते. एप्रिल महिन्यात आरोपीची पत्नी पोटाची खळगी भरण्यासाठी दुसऱ्या राज्यात मजुरीसाठी गेली होती. याचवेळी तालुक्यातीलच एका आश्रम शाळेत आठव्या वर्गात शिकत असलेली १३ वर्षीय ही अभागी मुलगी शाळेला सुट्या लागल्याने गावी आली.

पत्नी घरी नसल्याने मुलीला पाहून आरोपीच्या अंगातील सैतान जागा झाला. त्याने पोटच्या मुलीशीच बळजबरी शारीरिक संबंध प्रस्थापित करणे सुरू केले. मुलीने विरोध केला. पण धमकावून तो तिला चूप ठेवत होता. भलेही आरोपी मुलीस चूप राहण्यास भाग पाडत होता. मात्र शरीरधर्म त्याचे कर्तव्य बजावत होता. अशातच शाळा सुरू झाली आणि मुलगी परत शाळेत गेली. शाळेच्या नियमित आरोग्य तपासणीत मुलगी दोन महिन्यांची गर्भवती असल्याचे निदर्शनास आले आणि शाळा प्रशासनात चांगलीच खळबळ उडाली.

शाळेतील महिला शिक्षिकेच्या तक्रारीवरून नागभीड पोलिसांनी आरोपीविरुद्ध भादंविच्या कलम ३७६ व पॉक्सो कायद्यान्वये गुन्हा दाखल केला. त्यानंतर आरोपी बापाला अटक करण्यात आली आहे.

चिमूर तालुक्यातील घटना

चिमूर:-

        तालुक्यातील एका गावात चारवर्षीय बालिकेवर अत्याचार करण्यात आल्याची घटना बुधवार दिनांक २९ रात्री साडेआठ वाजताच्या सुमारास घडली. याप्रकरणी पोलिसांनी श्रीकृष्ण चौधरी याला अटक केली आहे.

चिमूर तालुक्यातील एका गावात बुधवारी लग्न समारंभ होता. या लग्नास भिसीजवळ असलेल्या कन्हाळगाव येथील श्रीकृष्ण चौधरी हा आला होता. या लग्नात पीडित बालिकेचे वडील भोजन वाटपाचे काम करीत होते. त्यामुळे ती बालिका वडिलांकडे आणि घराकडे चकरा मारत होती. रात्री ती बालिका लग्न मंडपाकडे आली. तेव्हाच नराधमाने तिला शाळेजवळील शेतात नेऊन अत्याचार केला. बालिका दिसत नसल्याचे पाहून आईने शोधाशोध सुरू केली. तेव्हाच बालिका रडत रडत घटनास्थळाकडून येताना दिसली. तिच्या मागे नराधम श्रीकृष्ण येत होता. बालिकेने आईला अत्याचाराची माहिती दिली. हे कळताच आई व उपस्थित नागरिकांनी आरोपीला चांगलाच चोप दिला. आईने घटनेची तक्रार चिमूर पोलिस स्टेशनला केली. पीडित बालिकेला तत्काळ उपचार व तपासणीसाठी जिल्हा रुग्णालयात पाठविण्यात आले. आरोपीला अटक करून त्याच्यावर गुन्हा नोंदविण्यात येत आहे. पुढील तपास ठाणेदार संतोष बाकल यांच्या मार्गदर्शनात पोलिस उपनिरीक्षक दीप्ती मरकाम करीत आहेत.

महाराष्ट्र के चंद्रपूर रेल्वे स्टेशन पर हत्या का सनसनीखेज मामला सामने आया है. हत्या की या घटना पास मे लगे सीसीटीव्ही कॅमेरे मे केद हो गई. बताया जा रहा है की भीती रात करीब तीन मामुली बात पर  यह वारदात हुई. आरोपी की पहचान साहिल राजू आंबेडकर के रूप मे हुई है.

लेकिन पुलिस वृत्तक की पहचान मे जूटी है. रेल्वे पोलीस ने आरोपी को गिरफ्तार कर लिया है.

आरपीफ के ApI हर्षल चापले ने बताया की CCTV के आधार पर चंद्रपूर मे रहने वाले आरोपी साई आंबेडकर को गिरफ्तार कर लिया है. आरोपी से पूछताछ के बाद चौक आने वाली वजह सामने आई है. आरोपी रेल्वे स्टेशन के प्लॅटफॉर्म पर सो रहा था. मृत उसके पास आया और उसका पर चोरी करने लगा. देशी गावरान साहिल आंबेडकर की नींद खुल गई और दोनो के बीच विवाह सुरू हो गया. दोनो के बीज विवा जितना बढ गया की साहिल नही चाकू से वार कर उसकी हत्या कर दी. या घटना सीसीटीव्ही मे कैद हो गई.

हत्या की घटना सीसीटीव्ही कॅमेरा मे कैद

बताया जा रहा है कि मृतक जखमी हालात मे स्टेशन के वेटिंग रूम मै बेहोश होकर गिर गया था. सुबह जब रेल्वे के कर्मचारीयों ने उसे देखा तो उसे अस्पताल ले जाया गया लेकिन डॉक्टर रो ने उसे मृत घोषित कर दिया. रेल्वे पोलीस के मुताबिक आरोपी पर चोरी, डकैती, आर्म एक्ट जैसे कोई मामले दर्द है, वह अक्सर अपने साथ हत्यार लेकर ही घुमता था.

पोलीस ने आरोपी को किया गिरफ्तार

जांच अधिकारी हर्षल चापले ने बताया की मृतक की पहचान नही हो पायी है. शव पोस्टमार्टम के लिए भेज दिया गया है और आरोपी को गिरफ्तार कर लिया है. जांच के हिसाब से ही आगे की कारवाई की जायेगी