भूमिपूजन लोकार्पण कार्यक्रमात बांधकाम विभागाला प्रोटोकालचा विसर...?

खासदार डॉ नामदेव किरसान आणणार हक्कभंग 
- संबंधित अधिकाऱ्यावर कारवाईची मागणी 

चिमूर - 
         चिमूर विधानसभा क्षेत्रातील नागभीड व चिमूर तालुक्यात होणाऱ्या विविध निधीतून तयार झालेल्या शासकीय इमारती व भूमिपूजन कार्यक्रमाचा सपाटा सुरु आहे मात्र या कार्यक्रमात स्थानिक बांधकाम विभाग  शासकीय प्रोटोकालला बगल देत कार्यक्रम घेत असल्याचा आरोप कांग्रेस पक्षाचे विधानसभा समनव्यक डॉ सतिष वारजूकर यांनी शनिवार ला पत्रकार परिषदेतून केला आहे.     

         विधानसभा निवडणुका डोळ्यासमोर ठेऊन चिमूर विधानसभा क्षेत्रातील नागभीड व चिमूर तालुक्यात वेगवेगळ्या निधीतून मंजूर झालेल्या विकास कामाचे भूमिपूजन व लोकार्पण कार्यक्रम आमदार कीर्तिकुमार भांगडिया यांच्या मार्फत सुरु आहेत या कार्यक्रमात प्रोटोकाल नुसार जिल्ह्याचे पालकमंत्री सुधीर मुनगंटीवार, गडचिरोली - चिमूर लोकसभा क्षेत्राचे खासदार डॉ नामदेव किरसान यांचे नाव निमंत्रण पत्रिकेत असणे गरजेचे आहे मात्र संबंधित बांधकाम विभागाचे उपअभियंता उपगन्लावार व स्थानिक अधिकारी शासनाच्या प्रोटोकालला बगल देऊन राजशिस्टाचाराचा भंग करीत असल्याचा आरोप माजी जीप अध्यक्ष डॉ सतिष वारजूकर यांनी पत्रकार परिषदेतून केला आहे 
    गडचिरोली-चिमूर लोकसभा क्षेत्राचे खासदार डॉ. नामदेव किरसान यांना हेतुपुरस्कर या शासकीय निधीतून होणाऱ्या कार्यक्रमातून वगळण्यात येत आहे याविषयाची तक्रार जिल्हाधिकारी यांच्याकडे चिमूर तालुका कांग्रेस कमेटी तर्फे  करण्यात आली असून याबाबतचा हक्कभंग ठराव येत्या अधिवेशनात खासदार डॉ किरसान  आणणार असल्याचेही डॉ सतिष  वारजूकर यांनी पत्रकार परिषदेत  सांगितले. 
        पत्रकार परिषदेला चिमूर विधानसभा समन्वयक डॉ सतिश वारजूकर, राज्य काँग्रेस सेवादल सहसचिव प्रा. राम राऊत, काँग्रेस तालुका अध्यक्ष डॉ विजय गावंडे, चंद्रपूर जिल्हा काँग्रेस सरचिटनीस गजानन बुटके, शहर काँग्रेस अध्यक्ष अविनाश अगडे, काँग्रेस सेवादल तालूका सचिव घनश्याम चाफले, डॉ रहेमान, तालुका काँग्रेस उपाध्यक्ष विवेक कापसे, काँग्रेस जेष्ठ नेते धनराज मालके, युवक काँग्रेस चिकर विधानसभा उपाध्यक्ष राकेश साठेणे, विपूल बुटके आदी काँग्रेस पदाधिकारी कार्यकर्ते उपस्थित होते.
..............................

चिमूर शहरात या कामांचे झाले भूमिपूजन - 

            अर्थसंकल्प योजना अंतर्गत चिमूर तहसील कार्यालयाच्या पहिल्या मजल्यावर उपविभागीय अधिकारी कार्यालयाचे बांधकाम करने कामांची किमंत ३५०.०० लक्ष रुपये, अर्थसंकल्प योजना अंतर्गत चिमूर येथील तलाठी कार्यालयाचे बांधकाम करने कामांची किमंत ४३५.०० लक्ष रुपये, अर्थसंकल्प योजना चिमूर येथे अतिरिक्त जिल्हाधिकारी उपविभागीय अधिकारी तासीलदार व महसुली कर्मचारी यांचे निवासस्थान बांधकाम करने कामांची किमंत १४३१.६३ लक्ष रुपये, ठेव बांधकाम योजना अंतर्गत दुय्यम निबंधक श्रेणी - १ या कार्यालयाच्या नविन इमारीतीचे बांधकाम करने कामांची किमंत २१४. २६ लक्ष रुपये, अर्थसंकल्प योजना अंतर्गत सार्वजनीक बांधकाम उपविभाग चिमूर या कार्यालयाच्या इमारत बांधकामा कामांची किमंत २२२. २८ लक्ष रुपये व वाल्मीक समाज सामाजिक सभागृह बांधकामाचा किंमत १००.०० रुपये आदी कामांचे भूमीपुजन गुरुवार ला पार पडले.