F Gadchiroli News: गडचिरोली पोलिस भरती, उद्या या 11 केंद्रांवर होणार लेखी परीक्षा | My Khabar24

MK CREATION

27-07-2024

Gadchiroli News: गडचिरोली पोलिस भरती, उद्या या 11 केंद्रांवर होणार लेखी परीक्षा

Gadchiroli News: गडचिरोली : जिल्हा पोलिस दलातर्फे 912 शिपाई पदांसाठी मैदानी परीक्षा पार पडल्यानंतर आता 28 जुलै रोजी सकाळी 8:00 वाजता लेखी परीक्षा होणार आहे. यासाठी 11 केंद्रे निश्चित केली आहेत.

21 जून ते 23 जुलै या कालावधीत मैदानी चाचणी पार पडली. 912 पदांसाठी 28 हजार उमेदवारांनी अर्ज गुणांच्या आधारे लेखी परीक्षेसाठी केले होते. मैदानी चाचणीतील एकूण 6 हजार 711 उमेदवार पात्र झाले आहेत.

28 जुलै रोजी सामान्य अध्ययन या विषयाचा पेपर सकाळी 10:30 ते दुपारी 12:00 यादरम्यान, तर दुसरा पेपर गोंडी व माडिया या विषयांवर दुपारी दीड ते 3:00 या वेळेत घेण्यात येणार आहे.

सर्व उमेदवारांनी आपले लेखी परीक्षेचे प्रवेशपत्र https://policerecruitment2024.mahait.org/Forms/Home.aspx या वेबसाइटवरून डाऊनलोड करून घ्यावे, असे आवाहन केले आहे.

या केंद्रांवर होणार परीक्षा

1	महिला महाविद्यालय, चंद्रपूर रोड गडचिरोली
2	फुले आंबेडकर कॉलेज ऑफ सोशल वर्क, चंद्रपूर रोड, गडचिरोली
3	प्लॅटिनम ज्युबली हायस्कूल, आरमोरी रोड गडचिरोली
4	आदिवासी इंग्लिश मीडियम स्कूल, सेमाना रोड, गडचिरोली
5	कारमेल हायस्कूल, धानोरा रोड गडचिरोली
6	स्कूल ऑफ स्कॉलर्स, धानोरा रोड, गडचिरोली
7	शिवाजी हायस्कूल तथा विज्ञान महाविद्यालय, गोकुलनगर गडचिरोली
8	शिवाजी इंग्लिश ॲकॅडमी स्कूल, गोकुलनगर गडचिरोली
9	शासकीय कृषी महाविद्यालय, आयटीआय चौक, गडचिरोली
10	शासकीय विज्ञान महाविद्यालय, चामोर्शी रोड, गडचिरोली
11	शिवाजी महाविद्यालय, धानोरा रोड गडचिरोली

गडचिरोली शहरातील अशा एकूण 11 केंद्रांवर पोलिस शिपाई पदाची लेखी परीक्षा घेण्यात येणार आहे. उमेदवारांनी आपल्या परीक्षा केंद्रावर सकाळी 8:00 वाजता उपस्थित राहणे आवश्यक राहील.

बायोमेट्रिक पध्दतीने होणार नोंदणी

सर्व उमेदवारांची बायोमेट्रिक पद्धतीने नोंदणी करून परीक्षा केंद्राच्या आत सोडण्यात येईल. उमेदवारांसाठी पेन व पॅड उपलब्ध करून दिले जाणार आहेत.
सोबतच पेपर क्र. 1 व पेपर क्र. २च्या मधल्या वेळेत उमेदवारांसाठी नाष्ट्याचीसुद्धा सोय करण्यात आली आहे. परीक्षा केंद्रावर केवळ ओळखपत्र व प्रवेशपत्र घेऊन जाता येईल. उमेदवार कोणत्याही इलेक्ट्रॉनिक साधनांचा वापर करताना आढळल्यास कारवाईचा इशारा पोलिस अधीक्षक नीलोत्पल यांनी दिला आहे.

विद्यार्थ्यांसाठी जेवणाची व राहण्याची उत्तम व्यवस्था

टीप : सार्वत्रिक बहुउद्देशिय संस्था नवेगाव, गडचिरोली यांच्या कडून बाहेरून गडचिरोली मद्ये येणाऱ्या विद्यार्थ्यांसाठी जेवणाची व राहण्याची उत्तम व्यवस्था.

विद्यार्थ्यांनी आज 3 वाजताच्या आत आपले नावे कळवावे.

स्थळ: स्वप्नील मडावी अकॅडमी, इंदिरानगर गडचिरोली, सृष्टी मंगल कार्यालय,पटेल मंगल कार्यालय गडचिरोली.

अधिक माहितीसाठी संपर्क : सौ.जुमनाके मॅडम 9405872397, श्री स्वप्नील मडावी सर 9529933893 , श्री तुषार मडावी - 9422156584