Sujata Awachat

30-08-2024

Gadchiroli News: गडचिरोलीत आर्थिक फसवणुकीची घटना: इसमाचे पैसे डबल करण्याचे आमिष दाखवून लाखो रुपयांची फसवणूक

Gadchiroli News: गडचिरोली शहरात 29 ऑगस्ट रोजी एक गंभीर आर्थिक फसवणुकीची घटना उघडकीस आली आहे, ज्यामध्ये एका इसमाचे पैसे डबल करण्याचे आमिष दाखवून लाखो रुपयांची फसवणूक करण्यात आली आहे. या प्रकरणात गडचिरोली पोलीस ठाण्यात तक्रार दाखल करण्यात आली असून, आरोपीविरुद्ध गुन्हा नोंदविण्यात आला आहे.

फसवणुकीचा प्रकार

गडचिरोली येथील डोमाजी डेकलुजी डोंगरे यांना आरोपी सतीश लहुजी येरगुडे, रा. तुकुम वार्ड, चंद्रपूर, याने पैसे डबल करण्याचे आमिष दाखवले. आरोपीने डोंगरे यांना सांगितले की, तीन लाख रुपयांचे मुदतीठेव म्हणून ठेवल्यास त्यांना सहा लाख रुपये मिळतील. तसेच, आरडीच्या 21 हप्त्यांमधून 42 हजार रुपये मिळतील असा दावा करून, एकूण 3 लाख 42 हजार रुपयांच्या फसवणुकीत त्यांना गोवले. मुदतीठेवीच्या व्याजासह, डोंगरे यांना 6 लाख 42 हजार रुपयांचे आमिष दाखवून आरोपीने त्यांची आर्थिक फसवणूक केली.

हे देखील वाचा : Railway Recruitment 2024: भारतीय रेल्वे मध्ये निघाली 1376 वेगवेगळ्या पदांसाठी भरती, इथे करा अर्ज

तक्रारीनंतर पोलिसांची कारवाई

सदर घटना 31 ऑक्टोबर ते 15 फेब्रुवारी 2024 या काळात घडली. आपली फसवणूक झाल्याचे लक्षात आल्यानंतर डोंगरे यांनी 29 ऑगस्ट 2024 रोजी गडचिरोली पोलीस ठाण्यात तक्रार दाखल केली. तक्रारीच्या आधारावर पोलिसांनी आरोपी सतीश येरगुडे विरुद्ध गुन्हा नोंदवून तपास सुरू केला आहे.

हे देखील वाचा : Fake Trading Apps: ऑनलाइन ट्रेडिंगमध्ये फसवणुकीचा धोका: हे App तुमचे बँक अकाउंट करणार खाली, जाणून घ्या माहिती