आरमोरी विधानसभा क्षेत्रात काँग्रेसचे रामदास मसराम विजयी

 आरवमोरी वीधानसभा क्षेत्रात काँग्रेस पक्षाने ऐतिहासिक विजय मिळवला आहे. काँग्रेसचे उमेदवार रामदास मसराम यांनी भारतीय जनता पक्षाच्या उमेदवारावर ३ हजार मतांची आघाडी घेत विजय प्राप्त केला आहे. या विजयानंतर काँग्रेस कार्यकर्त्यांमध्ये आनंदाचे वातावरण असून, आरमोरीत उत्सव साजरा करण्यात येत आहे.

काँग्रेससाठी मोठा यशस्वी क्षण -

रामदास मसराम यांचा विजय काँग्रेससाठी विशेष महत्त्वाचा मानला जातो. मागील काही निवडणुकांमध्ये या क्षेत्रात भाजपचा प्रभाव राहिला होता. मात्र, रामदास मसराम यांनी स्थानिक प्रश्न, आदिवासी हक्क, विकासकामे आणि बेरोजगारी या मुद्द्यांवर प्रभावी प्रचार करून जनतेला आपल्याकडे आकर्षित केले.

विकासाच्या वचनांवर विजय -

रामदास मसराम यांनी प्रचारादरम्यान मतदारांना दिलेल्या विकासाच्या वचनांवर भर दिला. त्यांनी शेतकऱ्यांसाठी सिंचन प्रकल्प, रोजगार निर्मिती, शिक्षण क्षेत्राचा विकास आणि आदिवासी हक्कांची अंमलबजावणी यावर जोर देण्याचे आश्वासन दिले होते.

जनतेचा कौल काँग्रेसच्या बाजूने -

निवडणुकीदरम्यान आरमोरीत काँग्रेस आणि भाजपमध्ये चुरस होती. मात्र, काँग्रेसच्या मजबूत प्रचार यंत्रणेने आणि रामदास मसराम यांच्या लोकसंपर्कामुळे त्यांना जनतेचा कौल मिळाला. काँग्रेसच्या विजयामुळे आरमोरीत भाजपला मोठा धक्का बसला आहे.

कार्यकर्त्यांचा जल्लोष -

निकाल जाहीर झाल्यानंतर काँग्रेसच्या कार्यालयाबाहेर जल्लोषाचे वातावरण पाहायला मिळाले. ढोल-ताशे, गुलाल आणि फटाक्यांच्या आवाजाने परिसर दुमदुमून गेला. रामदास मसराम यांनी विजयानंतर जनतेचे आभार मानत सांगितले, ही विजय माझी नसून आरमोरीच्या जनतेची आहे. त्यांनी माझ्यावर दाखवलेला विश्वास मी कधीही फोल ठरू देणार नाही.

राजकीय तज्ज्ञांचे विश्लेषण -

राजकीय विश्लेषकांच्या मते, या विजयामुळे काँग्रेसला आगामी निवडणुकांसाठी नवी ऊर्जा मिळाली आहे. तसेच आरमोरीतील भाजपचा पराभव हा पक्षासाठी चिंतेचा विषय ठरू शकतो.

रामदास मसराम यांचा विजय केवळ राजकीय दृष्टिकोनातूनच नव्हे तर सामाजिक बदल घडवून आणण्याच्या दृष्टीनेही महत्त्वाचा ठरणार आहे. जनतेच्या आशा-आकांक्षांवर खरे उतरून ते आरमोरीचा विकास करतील, अशी अपेक्षा आहे.