धानोरा : गणेश विसर्जनासाठी जाताना भरधाव कार पुलाच्या कठड्यास धडकून एकजण जागीच ठार तर एक गंभीर जखमी झाला. ही घटना १० सप्टेंबर रोजी रात्री नऊ वाजेच्या सुमारास धानोरा- मालेवाडा रोडवरील सुरसुंडीजवळ घडली.
बबलू पठाण (वय ४४, रा. धानोरा ) असे मृताचे नाव असून गोपीदास चौधरी (वय ४५, रा. धानोरा) हे जखमी आहेत. मित्राच्या घरी खांबाळा येथे गणपती विसर्जनासाठी गडचिरोली येथील दोघे व धानोरा येथील दोघे असे चौघे मित्र कारमधून (एमएच १६ एजे ३४४१) जात होते. सुरसुंडीजवळ वाहनावरील नियंत्रण सुटल्याने कार अनियंत्रित होऊन पुलाच्या कठड्यावर आदळली. यात मागे बसलेले बबलू पठाण यांच्या
हीच ती अपघातग्रस्त कार. छातीला मुकामार लागला तसेच गोपी चौधरी यांच्या हाताला व कंबरेला दुखापत झाली. इतर दोघे सुरक्षित आहेत. जखमी दोघांनाही धानोरा ग्रामीण रुग्णालयात दाखल केले. डॉक्टरांनी तपासणी करुन बबलू पठाण यांना मृत घोषित केले तर गोपी दासला पुढील उपचाराकरिता ब्रह्मपुरी येथे खासगी रुग्णालयात नेण्यात आले. धानोरा पोलिस अधिक तपास करत आहेत.
दुसऱ्या दिवशी मिळाला सुरक्षारक्षकाचा मृतदेह
बल्लारपूर : वेकोलीतील सुरक्षारक्षकाने दुचाकी पुलावर ठेवून वर्धा नदीत उडी घेऊन आत्महत्या केली. ही घटना गुरुवारी (दि. १२) उघडकीस आली. गणेश चंद्रय्या येगेवार (३८, नांदगाव पोडे), असे मृतकाचे नाव आहे.
गणेश येगेवार यांनी १० सप्टेंबर दुपारी १२:४५च्या सुमारास घरी मोबाइल कॉल करून पुलावरून उडी मारून आत्महत्या करीत असल्याचे सांगितले. कुटुंबीयांनी पुलावर येऊन बघताच तिथे त्याची दुचाकी आढळून आली.
या घटनेची तक्रार बल्लारपूर पोलिसांना दिल्यानंतर पथक घटनास्थळी पोहोचले. तोपर्यंत रात्र झाल्याने शोधमोहीम थांबविण्यात आली. बुधवारी (दि. ११) सकाळी पुन्हा शोध सुरू केला असता दुपारी १२:३०
वाजेच्या सुमारास वर्धा नदीच्या कळमना बंधाऱ्याजवळील काठावर गणेशचा मृतदेह आढळून आला. पोलिसांनी मृतदेह ताब्यात घेऊन शवविच्छेदनासाठी ग्रामीण रुग्णालयात पाठविला. त्यानंतर कुटुंबाच्या स्वाधीन केले. मृतक गणेशला दारू व जुगाराचे व्यसन होते. त्यामुळे कर्जबाजारी होता. कर्ज कसे फेडावे यासाठी तो चिंताग्रस्त होता. याच चिंतेतून त्याने यापूर्वी तीनदा आत्महत्येचा प्रयत्न केल्याची गावात चर्चा आहे. मात्र, आत्महत्येचे नेमके कारण कळू शकले नाही.
पुढील तपास बल्लारपूरचे ठाणेदार सुनील गाडे यांच्या मार्गदर्शनात पोलिस उपनिरीक्षक विकी लोखंडे व वाकडे करीत आहेत.
भद्रावती : वाढदिवस साजरा करण्याच्या निमित्ताने शहराबाहेर नेऊन एका विधवा महिलेवर अत्याचार केल्याची घटना गुरुवारी (दि. ११) शहरात उघडकीस आली. पीडितेच्या तक्रारीवरून पोलिसांनी आरोपीला अटक केली.
रवींद्र सोनटक्के (३८, कोरपना) असे आरोपीचे नाव आहे. आरोपी सोनटक्के व पीडित महिला हे एकमेकाला दोन वर्षांपासून ओळखतात. याच ओळखीचा फायदा घेऊन आरोपीने स्वतः चा वाढदिवस साजरा करण्यास शहराबाहेर चालण्याचा आग्रह केला.
तेव्हा फिर्यादी पीडिताने आपल्या सोबत मैत्रिणीलाही घेतले. सोमवारी (दि. ९) सायंकाळी हे तिघेही मानोरा जंगल शिवाराकडे गेले. तिथे आरोपीने महिलेला मारहाण करून अत्याचार केला.
मदतीसाठी धावलेल्या मैत्रिणीलाही मारहाण केली. पीडिताच्या तक्रारीवरून पोलिसांनी गुरुवारी रवींद्र सोनटक्के याला अटक केली. पुढील तपास ठाणेदार बिपिन इंगळे करीत आहेत.
चंद्रपूर : कौटुंबिक वादातून पतीने पत्नीची चाकूने भोसकून हत्या केल्याची खळबळजनक घटना कोठारी पोलिस ठाणे अंतर्गत कुडेसावली येथे गुरुवारी (दि. १२) सकाळी ७ वाजेच्या सुमारास घडली, वंदना धनपाल रामटेके (६०, रा. कुडेसावली) असे मृत महिलेचे नाव आहे. पोलिसांनी आरोपी पती धनपाल रामटेके (६७) याच्यावर भारतीय न्याय संहिता कलम १०३ (१) अन्वये गुन्हा दाखल करून अटक केली. महिलेला वाचविण्यासाठी धावणाऱ्या शेजाऱ्यांवरही आरोपीने चाकू उगारल्याची माहिती पुढे आली आहे.
बल्लारपूर तालुक्यातील कुडेसावली येथील धनपाल रामटेके व पत्नी वंदना यांच्यात कौटुंबिक कलहातून नेहमीच वाद होत होते. गुरुवारी सकाळी मोठा मुलगा चंद्रपूरला गेला. त्यानंतर काही वेळातच त्यांच्यात पुन्हा वाद सुरू झाला. दरम्यान, वेदना ही भांडे घासत असताना धनराजने धारदार चाकूने तिच्या पाठीत वार केले. घाबरून लगेच मागे वळली असता त्याने पुन्हा चाकू पोटात भोसकला, त्यानंतर हात समोर केला असता हातावरही चाकूने वार केला. रक्ताच्या थारोळ्यात वंदना जमिनीवर कोसळली. शेजाऱ्यांनी तिला कोठारी येथील रुग्णालयात नेले. मात्र, तिची प्रकृती अत्यंत नाजूक असल्याने बल्लारपूर येथे हलविण्यात आले, मात्र वाटेतच तिचा मृत्यू झाला. याबाबतची माहिती मिळताच कोठारीचे ठाणेदार योगेश खरसान घटनास्थळावर दाखल झाले. त्यांनी घटनेचा पंचनामा करून आरोपी धनपाल रामटेके याला अटक केली.
बालाघाट जिले की लालबर्रा जनपद पंचायत क्षेत्र अंतर्गत 77 ग्राम पंचायतें हैं, जिनमें से अधिकांश ग्राम पंचायतों में वर्ष 2022-23 से सुदूर सड़कों का निर्माण कार्य चल रहा है। वास्तव में इन सुदूर सड़कों का कार्य कितनी पंचायतों में और कितनी लागत से चल रहा है। कार्य पूर्ण हो चुका है या कई सड़के वर्तमान समय में भी अधूरी पड़ी हुई है और बरसात के बाद इन सड़कों का हाल क्या हुआ है? क्या इसकी जानकारी मौका स्थल पर जाकर जनपद पंचायत के तकनीकी अमले द्वारा ली गई है। इसी संबंध में सुदूर सड़कों की सूची एवं जानकारी लेने जब मीडिया कर्मी जनपद पंचायत पहुंचे तो पता चला मनरेगा एसडीओ संतोष नागेश भोपाल में हैं उनसे दूरभाष पर चर्चा की गई और अपने अधीनस्थ कर्मचारियों को सूची उपलब्ध करवाने कहा गया जिस पर उन्होंने कहा कि ठीक है आपको जानकारी मिल जाएगी, आप अधीनस्थ कर्मचारी से सूची ले लेवें मैं फोन कर देता हूं, लेकिन अधीनस्थ कर्मचारी श्रीमति मनीषा अजीत मैडम और कम्प्यूटर आपरेटर (बाबू) आबिद कुरैशी उन्होंने कहा कि साहब का फोन नहीं आया है हम आपको सूची नहीं दे सकते, अधीनस्थ कर्मचारी का जवाब सुनते ही पुन: मनरेगा अधिकारी को फोन लगाया गया उन्होंने फोन तो उठाया लेकिन मीटिंग में हूं कहकर पल्ला झाड़ते हुए उनके द्वारा जानकारी छुपाने का प्रयास किया गया।
जिससे ऐसा समझ में आ रहा है कि इन सुदूर सड़कों में भारी भ्रष्टाचार हुआ है। जिसकी पोल ना खुल जाए इस वजह से अधिकारी द्वारा जानकारी छुपाई जा रही है।इस मामले में पुनः गुरुवार को मनरेगा एसडीओ संतोष नागेश से मोबाइल पर बात की गई तो उन्होंने कहा तुम्हारे हिसाब से नहीं चलेंगे हम अभी मीटिंग में हैं। उनके जवाब से उनकी मंशा क्या है? एक बार फिर जाहिर हो चुका है।
कोल्हापूर येथे दि. 22 सप्टेंबरला ऐतिहासिक मेळाव्याचे आयोजन
दगडू भास्कर करणार नवीन संघटनेची घोषणा
अशोक वासुदेव खंडारे मुख्य संपादक वैनगंगा वार्ता १८
कोल्हापूर :-एकेकाळचे पीपल्स रिपब्लिकन पार्टी चे फायरब्रँड नेते दगडू भास्कर यांच्यावर प्रेम करणाऱ्या समर्थकांचा राजव्यापी ऐतिहासिक मेळावा रविवार दिनांक 22 सप्टेंबर 2024 रोजी दुपारी 12.30 वाजता शाहू स्मारक भवन कोल्हापूर येथे होत असून या मेळाव्यास महाराष्ट्राच्या कानकोपऱ्यातून भास्कर समर्थक उपस्थित राहणार असल्याची माहिती संयोजकाच्याकडून देण्यात आली.
याच मेळाव्यात ते नवीन संघटनेची घोषणा करणार असून मेळाव्याच्या उदघाट्नप्रसंगी खासदार छत्रपती शाहू महाराज, आमदात सतेज पाटील व माजी प्राचार्य डॉ. हरिष भालेराव हे उपस्थित राहाणार आहेत तरी दगडू भास्कर यांच्यावरती प्रेम करणाऱ्या सर्व पदाधिकारी, कार्यकर्त्यांनी व महिला भगिनींनी नियोजित वेळेत उपस्थित रहावे असे आवाहन संयोजकांच्यावतीने करण्यात आले आहे.
ब्रम्हपुरी : दिनांक, ११/०९/२४ ब्रह्मपुरी तालुक्यातील गणेशपुर मेंडकी येथील शेतकरी शेतातील धानाला खत मारण्यासाठी गेले. खत मारता मारता शेतात थ्री फेस लाईन असल्यामुळे कदाचित ओलाव्यामुळे (अर्थिगला) असलेल्या जिवंत करंट मुळे मृत्यू झाला असे बोलले जात आहे.
1) नानाजी पुंडलिक राऊत वय, 50 वर्ष
2)प्रकाश खुशाल राऊत वय, 40 वर्ष
3)युवराज झींगर डोंगरे वय, 45 वर्ष तिघेही राहणार गणेशपुर व
4) पुंडलिक मानकर वय, 60 वर्ष राहणार चिचखेडा
यांचा शेतात जागीच मृत्यू झाला. यात दोघे जण सुखरूप बचावले. शेतात एकूण सहा जण काम करीत होते. चौघांच्या च्या मृत्यू मुळे ब्रम्हपुरी तालुका व गणेशपुर येथे शोककळा पसरली आहे.
चारही मृतककांचे शव शवविच्छेदनासाठी ब्रह्मपुरी येथे उपजिल्हा रुग्णालयात आणण्यात आले आहेत.
जिवती : आदिवासी व अतिदुर्गम जिवती तालुका काही ना काही कारणाने चर्चेत असतो. त्यातच महावितरण उपकार्यकारी अभियंता कार्यालयात पत्त्याचा डाव रंगल्याचे छायाचित्र व चित्रफीत समाजमाध्यमांवर व्हायरल झाले. त्यामुळे महावितरणचे उपकार्यकारी कार्यालय की जुगाराचा अड्डा? असा संतप्त सवाल नागरिक विचारत आहेत.
जिवती येथील महावितरण उपकार्यकारी अभियंता कार्यालयात मुख्य तंत्रज्ञ रवींद्र गंधारे हे कार्यालयीन कामापेक्षा मनोरंजनासाठी तीन मित्रांसोबत जुगार खेळण्यात मग्न असल्याचे व्हायरल झालेल्या चित्रफितीत दिसत आहे. ज्या कार्यालयात बसून जनतेचे प्रश्न सोडवायचे असते, मात्र त्याच कार्यालयातील टेबलवर बसून
मुख्य तंत्रज्ञ गंधारे हे मित्रांसोबत जुगार खेळताना कॅमेऱ्यात कैद झाल्याचे दिसून येत आहे. हा तालुका डोंगराळ व दुर्गम भागात वसला आहे.
जोराचा पाऊस, सोसाट्याचा वारा सुटला की वारंवार विद्युत पुरवठा खंडित होण्याच्या घटना अनेक गावांत घडतात. या समस्यांचे निराकरण करण्याऐवजी मुख्य तंत्रज्ञच पत्त्यांचा डाव खेळत असल्याने कार्यप्रणालीवर नागरिक प्रश्नचिन्ह उपस्थित करीत आहेत.
प्रधानमंत्री आवास योजना : टुमदार घराचे स्वप्न होणार पूर्ण
गडचिरोली तब्बल तीन वर्षांनंतर प्रधानमंत्री आवास योजनेचे उद्दिष्ट नुकतेच प्राप्त झाले आहे. त्यात २०२४- २५ या एकाच वर्षात गडचिरोली जिल्ह्याला सुमारे १४ हजार ५५२ घरकुले बांधण्याचे उद्दिष्ट देण्यात आले आहे. आजपर्यंतचे हे सर्वाधिक उद्दिष्ट आहे. प्रशासन लाभार्थ्यांकडून कागदपत्रे गोळा करण्याच्या कामाला लागले आहे.
देशातील प्रत्येक कुटुंबाचे पक्के घर असावे या उद्देशाने केंद्र शासनाने २०१६ मध्ये प्रधानमंत्री आवास योजना (ग्रामीण) सुरू केली. या योजनेंतर्गत जवळपास चार वर्षे नागरिकांना घरे बांधण्यासाठी निधी देण्यात आला. त्यानंतर २०२१-२२ पासून या योजनेचे उद्दिष्टच प्राप्त होणे बंद झाले होते.
परिणामी राज्य शासनाने राज्यातील ओबीसी प्रवर्गासाठी मोदी आवास योजना २०२३-२४ मध्ये सुरू केली. त्यामुळे प्रधानमंत्री आवास योजना पुन्हा सुरू होणार की नाही याबाबत शंका व्यक्त केली जात होती. मात्र २०२४-२५ चे उद्दिष्ट प्राप्त झाले आहे.
विशेष म्हणजे एकाच वर्षात सुमारे १४ हजार ५५२ घरकुले बांधण्याचे उद्दिष्ट आहे. आजपर्यंत जिल्ह्याला मिळालेल्या घरकुलांच्या उद्दिष्टात यावर्षी सर्वाधिक घरकुले आहेत. त्यामुळे बहुतांश कुटुंबांचे स्वतःच्या टुमदार घराचे स्वप्न पूर्ण होणार आहे.
एकूण घरकूल १४,५५२
तालुकानिहाय मंजूर घरकुल
कोरची ७४९
मुलचेरा४९८
देसाईगंज ५०३
कुरखेडा २,०७२
धानोरा १,६९०
चामोर्शी २,१५६
गडचिरोली १,३१०
सिरोंचा १,३३८
अहेरी १,८६६
एटापल्ली १,१८६
आरमोरी ८३२
भामरागड ३५२
मागील वर्षीपेक्षा दुप्पट घरे
मोदी आवास योजनेंतर्गत २०२३-२४ मध्ये जिल्ह्यात ६ हजार ५४८ घरे मंजूर करण्यात आली होती. मागील वर्षींपेक्षा यावर्षी दुप्पट घरे मंजूर करण्यात आली आहेत. त्यामुळे ग्रामीण भागात पुढील दोन महिन्यांत घरकुल बांधकामाची लगबग दिसून येणार आहे.
मोदी आवासच्या रखडलेल्या हप्त्यांचे काय?
राज्य शासनाने सुरू केलेल्या मोदी आवास योजनेच्या बहुतांश लाभार्थ्यांना पहिलाच हप्ता मिळाला आहे. पुढचे हप्ते न मिळाल्याने अनेकांची घरे अपूर्ण आहेत. तर काही जणांनी कर्ज काढून घरे बांधली आहेत. सदर नागरिक आता आर्थिक अडचणीत सापडले आहेत. निधी नव्हता तर घरे का मंजूर केली, असा प्रश्न लाभार्थ्यांकडून उपस्थित केला जात आहे. निधीअभावी ६ हजार ५४८ मंजूर घरांपैकी केवळ २ हजार ९४२ घरांचे बांधकाम पूर्ण झाले आहे. तर ३ हजार ६०६ घरांचे काम अर्धवट आहे.
यादी प्रकाशित, कागदपत्रांची जुळवाजुळव सुरू
• प्रत्येक गावनिहाय लाभार्थ्यांची यादी ग्रामपंचायतनिहाय जाहीर करण्यात आली आहे. ज्या लाभार्थ्यांची नावे आहेत. त्यांनी आवश्यक ती कागदपत्रे सादर करायची आहेत. त्यासाठी लाभार्थी व प्रशासनही कामाला लागले आहे.
• शासनाने दिलेल्या विहित कालावधीत घरकुलाचे बांधकाम पूर्ण व्हावे, यासाठी प्रशासन प्रयत्न करणार आहे. त्यामुळे कागदपत्रे लवकरात लवकर जमा करण्याच्या सूचना लाभार्थ्यांना देण्यात आल्या आहेत.
कुरूड : देसाईगंज तालुका मुख्यालयापासून आठ किलोमीटर आग अंतरावर असलेल्या कोंढाळा येथे सोमवारी पहाटे एका घरावर वीज कोसळली. त्यानंतर लगेच घराला आग लागली, यात संसारोपयोगी साहित्य खाक झाले. सुदैवाने जीवितहानी टळली.
कुरूड परिसरात रविवारी रात्रीपासूनच पाऊस सुरू होता. सोमवारी पहाटे आकाशात कडालेली वीज झिंगर आत्माराम मेश्राम (वय ६५) यांच्या घरावर कोसळली. मेश्राम कुटुंबीय गाढ झोपेत होते. विजांचा कडकडाट ऐकून मेश्राम यांच्या
घराशेजारील एक व्यक्ती लघुशंकेसाठी बाहेर आला तेव्हा त्यास लागल्याचे निदर्शनास आले. त्याने आरडाओरडा करून मेश्राम कुटुंबास जागे केले. तोपर्यंत आगीने रौद्ररूप धारण केले होते. मात्र, तोपर्यंत घरासह कुटुंबीयांचे वस्त्र, झोपेची खाट, कोंबडा, दुचाकी व इतर साहित्य जळून खाक झाले. यात जवळपास २ लाखांचे नुकसान झाले. सरपंच अपर्णा राऊत, पोलिस पाटील किरण कुंभलवार, तंटामुक्त समितीचे अध्यक्ष हरिभाऊ पत्रे, अरुण कुंभलवार, सुनील पारधी यांनी पाहणी केली. याबाबत पंचनामा करून मदत करण्याची विनंती मंडळाधिकारी, तलाठ्यांकडे केली.
विकासाचे गोडवे गाणारे अहेरी विधानसभा आमदार कॅबिनेट मंत्री *धर्मराव बाबा आत्राम* यांच्या क्षेत्रात वारंवार अशा घटना घडत आहेत, आणि आजची इतकी गंभीर घटना घडली असताना मंत्री साहेब साधे शब्द ही काढत नाही ही निषेधार्य बाब आहे.. *बाबा आत्राम* यांनी नैतिक जबाबदारी म्हणून ताबडतोब राजीनामा द्यावा - विनोद मडावी
--------------------
मृत्युच्या 2 दिवसा आधी एका खाजगी *उपगणलावार नामक डॉक्टर कडे* मुलांना उपचाराकरिता नेले त्या डॉक्टर चीं अद्याप चौकशी झाली नाही... कारण काय?
तसेच मृत्यू झाला आहे हे समजले असताना दवाखान्यातील कर्मचाऱ्यांनी त्या पीडितांना पायी जाऊ कसे दिले? यावर त्या डॉक्टर व कर्मचाऱ्यांवर अद्याप कारवाई नाही...
-------------------
आम्ही पुजारीकडे गेलो नाही, कर्मचाऱ्यांनी सहकार्य केले नाही - पीडित
रुग्णवाहीका जर गावात जाऊ शकत नव्हती तर पोस्ट मॉर्टेम च्या वेळी शव कसे आणले?
आझाद चा सवाल
-----------------
गडचिरोली: अहेरी तालुक्यातील दोन चिमुकल्या भावंडांचा संशयास्पद मृत्यू झाल्याने राज्यभरात एकच खळबळ उडाली आहे. वेळेवर शववाहीका उपलब्ध नसल्याने मृतदेह खांद्यावर घेऊन जड पावलांनी १५ किलोमीटर पायपीट करत त्यांनी घर गाठले. जिल्ह्यातील निकृष्ट आरोग्य व्यवस्था, रस्त्यांचा अभाव आणि रुग्णवाहिका सारख्या मूलभूत सुविधा उपलब्ध नसल्याने या चिमुकल्यांचा मृत्यू झाला. ज्यासाठी पूर्णपणे प्रशासकीय यंत्रणा जबाबदार असून, ही शासकीय हत्याच असल्याचे आरोप आझाद समाज पार्टी, गडचिरोलीच्या माध्यमातून करण्यात आले. सदर घटनेत शासकीय व्यवस्थाकडून स्वतःतील कमतरता लक्षात न घेता, पालकांना दोषी ठरवने ही बाब अत्यंत निषेधार्थ असल्याचे आझाद समाज पार्टीचे विनोद मडावी यांनी सांगितले.
या प्रकरणाची तक्रार राष्ट्रीय अनुसूचित जमाती आयोग, दिल्ली येथे करण्यात आलेली आहे.
तक्रारीतील मुद्दे:
- संपूर्ण घटनाक्रमासह, पुजारी संदर्भातील विषय सुद्धा त्यात नमूद करण्यात आलेला आहे. अवैज्ञानिक असलेल्या सामाजिक, संस्कृतीक धारणा दूर करण्यासाठी शिक्षण व प्रबोधनाच्या माध्यमातून शासनाने प्रयत्न करणे गरजेचे आहे. त्यावर प्रभावी काम न करता आदिवासी समाजाचे गुन्हेगारीकरण होणे चुकीचे आहे.
- आदिवासी समाजाच्या पारंपरिक औषध शास्त्राचा अभ्यास करत, त्या प्रकारचे औषध उपचार करणाऱ्या व्यक्तींना आधुनिक आरोग्य व्यवस्थेत सामावून घेत, त्या संदर्भातील प्रशिक्षण देणे गरजेचे आहे.
- केंद्र शासनाच्या डेव्हलपमेंट स्कीम, २०१५ नुसार माडिया जमातीचे वास्तव्य असलेल्या गावात ‘नॅशनल हेल्थ मिशनची’ लोकसंख्या संदर्भातील अट लागू नसल्याने विशेष आरोग्य केंद्राची निर्मिती करतां येते. परंतु त्यासंदर्भात शासकीय स्तरावरून कुठलेही प्रयत्न नाही.
- सदर घटना सुविधांच्या आभावामुळे झाले असल्याने हे आरोग्य, सन्मानपूर्वक जगण्याची हमी देणाऱ्या संविधानिक मूलभूत अधिकारांचे उल्लंघन आहे.
तक्रारीतील मागण्या:
- दुर्गम भागात त्वरित आरोग्य केंद्राची निर्मिती करणे.
- आरोग्य केंद्रातील रिक्त जाता भरणे.
- शिक्षण व प्रबोधनासाठी निरंतर चालणारा कृती कार्यक्रम तयार करणे.
- पारंपरिक औषध उपचार करणाऱ्या व्यक्तींना आधुनिक आरोग्य व्यवस्थेत सामावून घेणे.
- आरोग्य संदर्भातील समस्यांचा अभ्यास करण्यासाठी देशभरातील अभ्यासकांची स्वतंत्र कमिटी गठीत करणे.
- रुग्णवाहिकांसोबतच, एअर- ऍम्ब्युलन्ससारख्या सुविधा निर्माण करणे.
- पीडित्यांच्या पालकांना नुकसानभरपाई देणे.
- आयोगातील सदस्य घटनास्थळी प्रत्यक्ष भेट देत प्रकरणातील संपूर्ण तपासणी करणे.
सदर घटनेतून गडचिरोली जिल्ह्यातील आरोग्य व्यवस्थेची दयनीय परिस्थिती पुन्हा एकदा समोर आलेली आहे. अपुऱ्या व्यवस्थेमुळे नागरिकांना अमानवीय परिस्थितीतून जावे लागत आहे. संविधानाने सर्वांना सन्मानपूर्वक जगण्याचा अधिकार बहाल केला असतांना त्यांचे उल्लंघन स्वतः शासन व्यवस्था करत आहे. हा अत्यंत गंभीर मुद्दा आहे, असे आझाद समाज पार्टीचे प्रभारी धर्मानंद मेश्राम, जिल्हाध्यक्ष राज बन्सोड यांनी सांगितले.
यावेळी बोधी रामटेके, पुरुषोत्तम रामटेके,नागसेन खोब्रागडे, सोनू कुमरे, सुरेश बारसागडे, घनश्याम खोब्रागडे, सतीश दुर्गमवार उपस्थित होते.
पुरस्कारापेक्षा मला सत्काराच मोठा वाटतो - कविता वाघमारे
अशोक वासुदेव खंडारे/मुख्य संपादक वैनगंगा वार्ता
डोंगरगाव :- पंचायत समिती मंगळवेढा मार्फत मला दिलेल्या आदर्श शिक्षक पुरस्काराप्रित्यर्थ डोंगरगावच्या गावकऱ्यांनी आज माझा जो सत्कार केला तो मला मिळालेल्या आदर्श शिक्षक पुरस्कारापेक्षाही मोठा वाटतो असे
भावूक उदगार डोंगरगाव शाळेच्या पुरस्कारप्राप्त शिक्षिका कविता वाघमारे यांनी काढले. गावकऱ्यांच्यावतीने आयोजित केलेल्या सत्काराला उत्तर देताना त्या बोलत होत्या.मंगळवेढा पंचायत समिती मार्फत दिला जाणारा सन 2024 चा तालुकास्तरीय आदर्श शिक्षक पुरस्कार नुकताच वाघमारे यांना आ. समाधान आवताडे यांच्या हस्ते व विविध मान्यवरांच्या उपस्थितीत प्रदान करण्यात आला.त्यानिमित्त गावकऱ्यांच्या वतीने सत्कार समारंभाचे आयोजन करण्यात आले होते.
यावेळी भारतीय जनता पक्षाच्या ओबीसी मोर्चाचे सोलापूर जिल्हाध्यक्ष विवेक खिलारे, दैनिक अचूक निदान चे संपादक डी. के. साखरे, शाळा व्यवस्थापन समितीचे अध्यक्ष पंकज मस्के, मुख्याध्यापिका अमृता कुलकर्णी,दत्तात्रय लोहार, विजय भुसे, तुकाराम साखरे, तानाजी साखरे आदींची प्रमुख उपस्थिती होती. पुढे बोलताना वाघमारे म्हणाल्या की,माझ्या कार्याची दखल घेऊन आपल्याला हा पुरस्कार दिला असून; पुरस्कारामुळे मला एक नविन ऊर्जा प्राप्त झाली असून यापुढे ही मी अधिक जोमाने काम करून विद्यार्थ्यांची गुणवत्ता वाढविण्याचा आणि शाळेचा विकास करण्याचा प्रयत्न करेन.वाघमारे ह्या गेली 20 वर्षे अध्यापनाचे काम करीत आहेत.त्यांनी अनेक विद्यार्थी घडविले असून सध्या त्यांचे अनेक विद्यार्थी उच्च पदावर कार्यरत आहेत.यावेळी विवेक खिलारे, डी. के. साखरे, मुख्याध्यापिका अमृता कुलकर्णी, सहशिक्षिका अंबिका कर्वे व बाजीराव गवळी सर आदींनी आपल्या मनोगतातून वाघमारे मॅडम यांचा गुणगौरव केला. कार्यक्रमाचे प्रास्ताविक डी. के. साखरे यांनी केले तर मुख्याध्यापिका अमृता कुलकर्णी यांच्या आभार प्रदर्शनाने कार्यक्रमाची सांगता झाली.यावेळी मोठया संख्येने ग्रामस्थ, पालक, विद्यार्थी तसेच सर्व शिक्षक स्टाफ उपस्थित होता.
कुही..
कुही तालुक्यातील भोजापूर लगत असलेल्या शेतामध्ये गेलेल्या व्यक्तीचा मृत्यू झाला.
सदर घटना कुही पोलिस ठाण्याचा अंर्तगत येणाऱ्या मौजा
भोजापूर लगत असलेल्या शेतामध्ये भगवान शंभरकर वय. 60
वर्ष रा.भिमनगर कुही येथील रहिवासी होता.
भगवान शंभरकर आज दिनांक 08/09/2024 सकाळी
भोजापूर लगत असलेल्या शेतामध्ये पिकांवरील फवारणी
करीता गेले.
सकाळी पासूनच पाऊसाने मौसम होताच, दुपारचा सुमारास
4.00 वाजता पाणी अतिशय मुसळधार पावसामुळे विज गर्जना
होत असल्याने झोपडी साह्याने उभे राहण्यासाठी भगवान
शंभरकर या विचाराने जात असतांना विज कोसळल्याने
जागीच मृत्यू झाला.
घटना समोर येताच ग्रामीण रुग्णालय कुही येथे हलवण्यात
आले. तपासणी करण्यात आल्यावर डॉक्टर यांनी मृत्यू
झाल्याची सांगितले.
या घटनेनंतर कुही वासियांमध्ये असंतोषाचे वातावरण निर्माण
झाले.
कुही तालुक्यातील भोजापूर लगत असलेल्या शेतामध्ये गेलेल्या
व्यक्तीचा मृत्यू झाला.
सदर घटना कुही पोलिस ठाण्याचा अंर्तगत येणाऱ्या मौजा भोजापूर लगत असलेल्या शेतामध्ये भगवान शंभरकर वय. 60 वर्ष रा.भिमनगर कुही येथील रहिवासी होता.
भगवान शंभरकर आज दिनांक 08/09/2024 सकाळी भोजापूर लगत असलेल्या शेतामध्ये पिकांवरील फवारणी करीता गेले.
सकाळी पासूनच पाऊसाने मौसम होताच, दुपारचा सुमारास 4.00 वाजता पाणी अतिशय मुसळधार पावसामुळे विज गर्जना होत असल्याने झोपडी साह्याने उभे राहण्यासाठी भगवान शंभरकर या विचाराने जात असतांना विज कोसळल्याने जागीच मृत्यू झाला.
घटना समोर येताच ग्रामीण रुग्णालय कुही येथे हलवण्यात आले. तपासणी करण्यात आल्यावर डॉक्टर यांनी मृत्यू झाल्याची सांगितले.
या घटनेनंतर कुही वासियांमध्ये असंतोषाचे वातावरण निर्माण झाले.
आज दिनांक 8 सप्टेंबर 2024 रोज रविवारला दुपारी 1 वाजता शासकीय विश्रामगृह गडचिरोली येथे गडचिरोली तालुका झाडीपट्टी कलावंत संघटना संस्था गडचिरोली यांच्या वतीने सर्वसाधारण सभा घेण्यात आली या सभेमध्ये दिनांक 14 सप्टेंबर 2024 रोज शनिवारला विदर्भ स्तरीय गीत गायन स्पर्धेचे कार्यक्रम आयोजित करण्यात आलेल्या आहे त्यासंबंधी त्या गीतगायन समारंभाचा नियोजन करण्याबाबत चर्चा करण्यात आली या सभेमध्ये झाडीपट्टी कलावंत संघटना तालुका गडचिरोलीचे अध्यक्ष जितेंद्र वासुदेव उपाध्याय यांच्या अध्यक्षतेखाली चर्चा करण्यात आली. प्रथमता कार्याध्यक्ष सिद्धार्थ गोवर्धन यांनी आपले विचार मांडले. नियोजन कसे करायचे याबाबत मार्गदर्शन केले आणि सगळ्यांनी या कार्यक्रमाला हातभार लावावा अशी विनंती सुद्धा त्यांनी केली. त्यानंतर झाडीपट्टी कलावंत संघटनेचे उपाध्यक्ष श्री सुनील भाऊ चडगुलवार यांनी सुद्धा मोलाचे मार्गदर्शन केले त्यानंतर अध्यक्षस्थानी असलेले जितु भाऊ यांनी सुद्धा कार्यक्रमाचे नियोजनाबद्दल कोणाकडे कोणकोणती जबाबदार राहील ही माहिती त्यांनी दिली. गीत गायन स्पर्धेचे त्या दिवशी चे सूत्रसंचालनाची जबाबदारी सिद्धार्थ गोवर्धन व आयेशा अली यांच्यावर सोपविण्यात आली. नोंदणी विभागाची जबाबदारी श्री भगवान गेडाम व सदानंद उईके यांच्यावर सोपविण्यात आली. तसेच स्टेज मॅनेजमेंट यांची जबाबदारी उषा मुळे, वर्षा गुरूनुले दिलीप मेश्राम, प्रकाश मेश्राम आणि राजेंद्र बोभाटे यांच्याकडे सोपविण्यात आली. आभार प्रदर्शनाची जबाबदारी विवेक मून यांच्याकडे सोपविण्यात आली. पाहुण्यांचे नियोजन हे सुनील चडगुलवार व राजेंद्र चिलगिलवार यांच्यावर सोपविण्यात आली .तसेच भोजन व्यवस्था पाणी व्यवस्था व त्या कार्यक्रमास लागणारी जी काही व्यवस्था असेल ती जितेंद्र जी उपाध्याय व तुळशीरामजी उंदीरवाडे यांच्याकडे सोपविण्यात आली प्रसिद्धी प्रमुख म्हणून प्रकाश लाडे व वसंत चापले यांच्यावर जबाबदारी सोपविण्यात आली व या कार्यक्रमास वेळेवर आलेली जबाबदारी त्याची व्यवस्था संपूर्ण झाडीपट्टी कलावंत संघटना गडचिरोली तालुका च्या सदस्य हे अचूक बजावतील असे ठरविण्यात आले या सभेला जितेंद्र वासुदेव उपाध्याय, सुनील चडगुलवार, दिलीप मेश्राम , राजेंद्र बोबाटे , विवेक मून , भगवान गेडाम, टिकाराम सालोटकर, सिद्धार्थ गोवर्धन , प्रकाश मेश्राम, तुळशीराम उदिरवाडे, सदानंद उईके, उषा मुळे आयेशा अली, वर्षा गुरनुले, अशोक सूत्रपवार ,राजेंद्र चिलगिलवार, वसंत चापले,आणी प्रकाश लाडे इत्यादी कलावंत बंधू हजर होते.
ब्रह्मपुरी : दुचाकीने आरमोरी येथील कॉलेजमध्ये निघालेल्या एका युवकाने वैनगंगा नदी उडी घेतली. ही खळबळजनक घटना शुक्रवारी (दि. ६) उघडकीस आली. समीर सोमेश्वर राऊत, (वय २४, रा. हळदा) असे उडी घेतलेल्या युवकाचे नाव आहे. पुलावर दुचाकी व चप्पल आढळल्याने ब्रह्मपुरी पोलिसांनी शोध सुरू केला. मात्र समीरचा अद्याप पत्ता लागला नाही. त्यामुळे त्याने आत्महत्या केली असावी, असा प्राथमिक अंदाज पोलिसांनी वर्तविला आहे.
ब्रह्मपुरी येथील ३० किमी अंतरावरील हळदा येथील समीर राऊत हा युवक गुरुवारी दि. ५ आरमोरी येथील कॉलेजमध्ये जातो, असे कुटुंबीयांना सांगून दुचाकीने (एम. एच.३४ सी. ए. ०८७८) निघाला. मात्र रात्र होऊनही घरी परत आला नाही. त्यामुळे कुटुंबीयांनी मित्रांकडून माहिती काढली. कुठेच पत्ता लागला नाही.
कुटुंबाने नातेवाइकांकडे चौकशी केली व परिसराची पाहणी केल्यानंतर ब्रह्मपुरी-आरमोरी मार्गावरील वैनगंगा नदी पुलावर दुचाकी व चप्पल आढळली. त्यानंतर ब्रह्मपुरी पोलिसात तक्रार करण्यात आली.
शुक्रवारी पोलिसांनी पथक तयार करून नदी पात्राची पाहणी केली. पण समीरचा शोध लागलेला नाही. आज शनिवारी देखील पोलिसांचे पथक दिवसभर नदी काठावर शोध घेत होते. पण पत्ता लागला नाही.
गडचिरोली मुख्य बस स्थानकावरून चोरी गेलेल्या मोबाईलची अवघ्या दोन तासात लावला शोध
काहि बस कर्मचाऱ्याकडून गडचिरोली स्थानिक बस टॉप मधिल सीसीटिवी कॅमेरे बंद असल्याचे कळाले
दिंनाक : 05/09/2024
गडचिरोली: गडचिरोली शहरातील मुख्य बसस्थानकावरून दूपारी 3 वाजता ललिता किशोर बोटकेवार रा. नागपूर, नागपूर बस मध्ये चळतांना त्यांच्या लक्षात आलं की त्यांची पर्स चोरीला गेली आहे.लगेच गडचिरोली पोलीस स्टेशन गाठून उप निरीक्षक दिपक चव्हाण यांना माहिती दिली असता लगेच त्यांच्या टिमने चौकशी करून अवघ्या दोन तासात मोबाईल चा शोध लावला.
सदर बातमी या प्रमाणे आहे कि ललिता किशोर बोटकेवार रा. नागपूर हि महिला काहि कामानिमित्त मूल ता सावली येथे बुधवार ला गेली व गुरूवार ला आपल काम आटोपून सदर महिला सावली वरून गडचिरोली बस स्थानकावर दूपारला 2 च्या दरम्यान पोचली असता नागपूर बस हि 3 च्या दरम्यान नागपूर बस मध्ये बसली असता तिकिट काढण्यासाठी बॅग मध्ये पर्स बघित असतानां त्यांच्या लक्षात आल कि पर्स चोरीला गेली आहे त्या पर्स मध्ये मोबाईल व काही पैसे होते.लगेच बस स्थानकातील चौकशी विभाग येथे माहिती दिली असता त्यांनी त्या प्रवासीला कुठल्याही प्रकारची सहकार्य न करत तूमची वस्तू चोरी झाली तर आम्ही काय करू? हे तर दरोजचेच आहे अस मनून हाथ वर केले.
हि घटना युवा मराठा न्यूज गडचिरोली जिल्हा अध्यक्ष सूरज गुंडमवार यांना माहिती मिळतांच लगेच त्या महिलेला स्थानीक पोलिस स्टेशन गडचिरोली येथे जावून पोलिस उपनिरीक्षक दिपक चव्हाण यांना माहिती दिली लगेच उपनिरीक्षक साहेब व त्यांच्या टिम ने चौकशी सूरू केली व लोकेशन ट्रेस करून अवघ्या दोन तासामध्ये त्या चोरी गेलेल्या पर्स चा शोध लावून त्या महिलेला वापस दिले त्या महिलेने उपनिरीक्षक दिपक चव्हाण व त्यांच्या टिम चे आभार मानले.
यावेळी पुढिल तपास उपनिरीक्षक दिपक चव्हाण,पोलिस हवालदार मेश्राम ,बेसरा,पोलिस नाईक,चौधरी,पोलिस शिपाई गवडकर ,हिचामी ,पूरी,खोब्रागडे करित आहेत.
