PostImage

Vaingangavarta19

May 19, 2024   

PostImage

जिल्हाधिकारी संजय दैने यांनी सपत्नीक प्रशांत घाम चपराळा येथे सदिच्छा …


जिल्हाधिकारी संजय दैने यांनी सपत्नीक प्रशांत घाम चपराळा येथे सदिच्छा भेट

हनुमान मंदिर देवस्थानचे अध्यक्ष संजय पंदिलवार यांनी मांडल्या अनेक समस्या 

आष्टी: -
येथून जवळच असलेल्या हनुमान मंदिर प्रशांत घाम चपराळा येथील मंदिराला जिल्हाधिकारी सैजय दैने यांनी सपत्नीक प्रशांत घाम चपराळा येथे सदिच्छा भेट आपल्या कुटुंबासह भेट देऊन दर्शन घेतले  व मंदिर परिसरात पाहणी केली यावेळी मंदिराचे अध्यक्ष संजय पंदिलवार यांनी जिल्हाधिकाऱ्यांचे पुष्पगुच्छ देऊन स्वागत केले 
जिल्हाधिकारी संजय दैने यांनी दिनांक १७ मे रोजी आपल्या कुटुंबासह भेट देऊन दर्शन घेतले आणि चौडमपल्ली, चपराळा मार्गावर असलेल्या जिर्ण झालेल्या पुलीयाची पाहणी केली
 कुनघाडा ते चपराळा रस्त्याचे डांबरीकरण करण्यात यावे, प्राणहिता, वैनगंगा, व वर्धा नदीच्या संगमावर भाविक भक्तांना नदीपात्रात उतरण्यासाठी पायऱ्यांच्या कामाची व मंदिरातील समस्या देवस्थानचे अध्यक्ष संजय पंदिलवार यांनी जिल्हाधिकाऱ्यांच्या लक्षात आणून दिल्या यावेळी चामोर्शी चे तहसीलदार गोन्नाडे, तलाठी महीन्द्रे,उपसरपंच कोकेरवार,, तमुस अध्यक्ष साईनाथ गुरनुले, वनपरिक्षेत्र अधिकारी वन्यजीव चौडमपल्ली, उपसरपंच रामचंद्र बामणकर  ईलूर,नायर,आदी मान्यवर यावेळी उपस्थित होते


PostImage

Vaingangavarta19

May 18, 2024   

PostImage

कंटनेरची ट्रॅव्हल्स ला धडक दोन्ही वाहन चालक गंभीर तर दहा …


कंटनेरची ट्रॅव्हल्स ला धडक दोन्ही वाहन चालक गंभीर तर दहा जखमी 

 

★ २ दोघे गंभीर जखमींवर नागपूर तर १० जखमींवर नागभीड येथील ग्रामीण रुग्णालयात उपचार सुरू आहे.

 

प्रमोद झरकर उपसंपादक वैनगंगा वार्ता 19


नागभीड : भरधाव कंटेनरने ट्रॅव्हल्सला धडक दिल्याने १२ प्रवासी जखमी झाल्याची घटना शुक्रवारी सकाळी ८:३० वाजेच्या दरम्यान नागभीड - नागपूर राष्ट्रीय महामार्गावरील कानपाजवळ घडली
.यात दोनही वाहनचालक गंभीर जखमी झाल्याने नागपूरला हलविण्यात आले,तर उर्वरित १० जखमींवर नागभीड येथील ग्रामीण रुग्णालयात उपचार सुरू आहेत.
नागभीड-नागपूर राष्ट्रीय महामार्गाने ट्रॅव्हल्स बस (क्रमांक एम.एच.४० बीजी- ६८१८) नागभीडकडून नागपूरकडे जात होती. दरम्यान, विरुद्ध दिशेने येणाऱ्या कंटेनरने (क्रमांक एम.एच.४० सीडी ९६५६ कानपा जवळ साहेब नाल्यावर ट्रॅव्हल्सला जबर धडक दिली. 
या धडकेत ट्रॅव्हल्समधील १० प्रवासी जखमी झाले. कंटेनरचालक अनितकुमार पटेल वय,२९ वर्ष मध्य प्रदेश व विजय राऊत वय,४६ वर्ष टॅव्हल्स चालक,रा.मूल हे दोघे गंभीर जखमी झाल्याने त्यांना तातडीने नागपूरला हलविण्यात आले. 
गीता कायरकर वय,५४ वर्ष मेंडकी,आशा चिलबुले वय,३८ वर्ष,सचिन चिलबुले वय,४३ वर्ष, साची चिलबुले वय,१४ वर्ष,ताराबाई जांभुळे वय,६०वर्ष, धर्मदास राकडे वय,७० वर्ष,ज्योती चिलबुले वय,५१ वर्ष शोभा चिलबुले वय,४० वर्ष सर्व रा .नागभीड, लीला कामडी वय,६० वर्ष नवरगाव,रघुनाथ जिभकाटे वय,७२ वर्ष, ब्रह्मपुरी आदींवर नागभीड ग्रामीण रुग्णालयात उपचार सुरू आहे.अशी माहिती पोलिसांनी दिली आहे


PostImage

Vaingangavarta19

May 17, 2024   

PostImage

८० लाख रुपयांची चोरबीटी जप्त करून प्रशासनाने केली मोठी कारवाई


८० लाख रुपयांची चोरबीटी  जप्त करून प्रशासनाने केली मोठी कारवाई 

चोर बीटी तस्करात माजली मोठी खळबळ
गोंडपिपरी:-
चंद्रपूर जिल्ह्यात प्रशासनाने मोठी कारवाई करीत तब्बल ८० लाख रुपयाची चोरबीटी जप्त केली आहे. पोंभुर्णा तालुक्यातील भिमनी येथे भरारी पथकाने काल शेतात असलेल्या पक्क्या घरातून अनधिकृत बियाणांचा साठा हस्तगत केला. प्रशासनाच्या या कारवाईने चोरबीटी तस्करात एकच खळबळ माजली आहे. गेल्या काळातील हि सर्वात मोठी कारवाई मानली जात आहे.

पोंभुर्णा तालुक्यातील भिमनी येथील नीलकंठ गिरसावळे यांच्या शेतातील पक्क्या घरात चोरबीटी चा मोठा साठा असल्याची गोपनीय माहिती प्रशासनाला मिळाली. यानंतर जिल्हाधिकारी विनय गौडा, पोलीस अधीक्षक सुदर्शन मुमक्का, जिल्हा अधीक्षक कृषी अधिकारी शंकरराव तोटावार, वीरेंद्र राजपूत कृषी विकास अधिकारी, चंद्रकांत ठाकरे कृषी उपसंचालक चंद्रपूर यांचे मार्गदर्शनाखाली चंद्रशेखर कोल्हे, तंत्र अधिकारी गुणनियंत्रण, विभागीय कृषी सहसंचालक कार्यालय, नागपूर , लकेश कटरे मोहीम अधिकारी जिल्हा परिषद चंद्रपूर, श्रावण बोढे, जिल्हा गुणनियंत्रण निरीक्षक, चंद्रपूर, महेंद्र डाखरे कृषी अधिकारी,. विवेक उमरे, चंद्रकांत निमोड, नितीन ढवस, काटेखाये, कोसरे, जुमनाके, श्री. आत्राम व तालुका कृषी अधिकारी कार्यालय पोंभुर्णा व चमू यांनी भिमनी येथील नीलकंठ गिरसावळे यांच्या शेतातील पक्क्या घरात तपासणी केली असता याठिकाणी ३९.८८ क्विंटल संशयास्पद अनधिकृत कापूस बियाण्यांचा साठा आढळून आला.७६.57 लक्ष रुपयाचे हे बियाणे असून प्रशासनाने हा माल ताब्यात घेतला आहे. सदरहू अनधिकृत संशयित कापूस बियाण्याचा साठा इतरत्र परिसरात कुठेही विक्री केली आहे काय याचा तपास कृषी विभाग व पोलीस विभाग करीत आहेत.

शेतीचा हंगाम सुरु झाला आहे. याची तयारी म्हणून चोरबीटी तस्कराचे मोठे जाळे सर्वत्र पसरले आहेत. अशात प्रशासनाने केलेल्या या मोठ्या कारवाईने तस्करात चांगलीच खळबळ माजली आहे.


PostImage

Vaingangavarta19

May 17, 2024   

PostImage

आठ महिन्याच्या गर्भवती महिलेची रुग्णवाहीकेतच झाली प्रसुती


आठ महिन्याच्या गर्भवती महिलेची रुग्णवाहीकेतच झाली प्रसुती 

 

कोरची :-
कोटगुल येथील प्राथमिक आरोग्य केंद्रामधून रेफर केलेल्या डिलीवरी च्या पेशंटला कोरची येथील ग्रामीण रुग्णालयात घेऊन येत असतांना बेतकाठी ते पांढरीगोटा च्या दरम्यान असलेल्या डोंगरावर, खाचखळगे असलेल्या रस्त्याने येत असतांना जशी 108 ची गाडी खड्यात गेली तशीच महीलेची रुग्णवाहिकेतच प्रसुती झाली. 

सविस्तर वृत्त असे आहे की, दि, १७ एप्रिल ला 11.30 च्या दरम्यान कोरची तालुक्यातील देऊळभट्टी ( पाटील टोला) येथील रहिवासी सौ. लता मुकेश कोरेटी (29) हिला प्रसुतीच्या वेदना सुरू झाल्या 8 महीन्याचा बाळ पोटात होता. त्यामुळे प्रसुतीला वेळ आहे म्हणून घरची लोक बिनधास्त होती. 
अचानक कळा आल्याने तिथून 2 किमी अंतरावर असलेल्या कोटगुल येथील प्राथमिक आरोग्य केंद्रात लागलीच घेऊन आले. 

तेथील डॉ. चौधरी आणि महिला डॉ. नाकाडे यांनी तपासणी केली आणि महीला रुग्णांना तात्काळ गडचिरोली च्या जिल्हा रुग्णालयात घेऊन जाण्यास सांगितले. रेफर स्लीप क्रमांक 1120 दि. 15/5/2024 वेळ दुपारी 1.00.
गडचिरोली ला पेशन्टला घेऊन जाण्यासाठी  108 क्रमांकाच्या  गाडीला बोलाविण्यात आले.गाडी सोबत महिला डॉक्टर किंवा नर्स किंवा आशा वर्कर राहणे अत्यंत आवश्यक असतांना डॉ. चौधरी आणि डॉ. नाकाडे यांनी कुणालाही सोबत पाठविले नाही. 

108 च्या गाडीत डॉ. आतीश सरकार होते. सोबत लताचा पती मुकेश, तिचे नातेवाईक गिरजा कोरेटी ( माजी सरपंच)  ईलेश्वरी नैताम होते. 

पेशन्टची अवस्था पाहता,कोटगुल वरून गडचिरोली ला पेशन्टला न नेता डॉ.सरकारने पेशन्टला कोरची येथील ग्रामीण रुग्णालयात आणण्याचे ठरविले. कारण कोटगुल ते गडचिरोली हा अंतर 140 किमी असून कोटगुल ते कोरची हा अंतर 25 किमी आहे.
कोटगुल वरून येत असतांना कोरची वरून 8 किमी अंतरावर, बेतकाठी ते पांढरीगोटा दरम्यान असलेल्या डोंगरावर जशी गाडी खड्यात गेली तशीच चालत्या गाडीतच बाईची डिलीवरी झाली. सोबत असलेल्या नातेवाईकांना शंका आली त्यामुळे त्यांनी गाडी थांबविली व बाईच्या पोटाला हात लावून तपासणी केली तेव्हा डिलीवरी झाली होती. बाळ बाईच्या साडीतच होता त्यामुळे त्यांना दिसला नाही. 

तिथे असलेले डॉ. सरकार यांनी प्राथमिक उपचार करून लगेच गाडी कोरची ला घेऊन आले. कोरची येथील
ग्रामीण रुग्णालयात बाळ व आईला भरती करण्यात आले. येथे बाळ व आई सुखरूप असून बाळ 8 महीन्याचे आहे व वजन 2.00 किलो आहे.नशीब बलवत्तर होते म्हणून पहिल्या खेपेतील बाळंत नार्मल झाले. परंतु आरोग्य विभागाच्या खेळखंडोबा मुळे बाळ व आई दोघांनाही धोका होता. 
गावात परीचारीका नियुक्त असूनसुद्धा कधीच उपलब्ध राहत नाही याला जबाबदार कोण असा प्रश्न उपस्थित होतो आहे


PostImage

Vaingangavarta19

May 17, 2024   

PostImage

अज्ञात वाहनाच्या धडकेत दुचाकीस्वार ठार


अज्ञात वाहनाच्या धडकेत दुचाकीस्वार ठार


 गडचिरोली:-
कुरखेडा तालुका सीमे लगत असलेल्या कसारी फाटा नजीक भीषण अपघात होऊन दुचाकी स्वार जागीच ठार झाल्याची घटना 17 मे रोजी सकाळच्या सुमारास घडली
  कैलास मधुकर नाकाडे वय 45 रा .बोळधा  तालुका देसाईगंज असे अपघातात ठार झालेल्या दुचाकी स्वराचे नाव आहे कसारी फाटा रस्त्याच्या कडेला दुचाकी आणि कैलास हे पडलेले काही नागरिकांना दिसले  तेव्हा पोलिसांना माहिती दिली या घटनेचा तपास देसाईगंजपोलीस स्टेशन करत आहेत.


PostImage

Vaingangavarta19

May 16, 2024   

PostImage

विनाअनुदानित महाविद्यालयात काम करणाऱ्या शिक्षकांना मिळणार अनुदानित महाविद्यालयात बदली


विनाअनुदानित महाविद्यालयात काम करणाऱ्या शिक्षकांना मिळणार अनुदानित महाविद्यालयात बदली 

मुबंई : राज्यात एखाद्या शैक्षणिक संस्थेची काही अनुदानित
आणि काही विनाअनुदानित महाविद्यालये असतील, तर विनाअनुदानित महाविद्यालयांमध्ये काम करणाऱ्या शिक्षकांना त्याच संस्थेच्या अनुदाणीत महाविद्यालयात काम करण्याची संधी मिळणार असल्याचे आता स्पष्ट झाले आहे. महाराष्ट्र शासनाने दि. 8 जून 2020 रोजी अधिसूचना काढून महाराष्ट्र खासगी शाळा सेवा शर्ती विनियमन अधिनियम 1977 मधील नियम 41 अ मध्ये सुधारणा करून विनाअनुदानित विभागात काम करणाऱ्या शिक्षकांच्या व शिक्षकेतर कर्मचाऱ्यांच्या त्याच व्यवस्थापनाच्या अनुदानित विभागात बदल्या करण्याची तरतूद केली होती. या बदल्या करण्याबाबत दि. 1 एप्रिल 2021 रोजी शासननिर्णय काढण्यात आलेला होता. त्यानुसार 1 डिसेंबर 2022 पर्यंत बदल्या करण्यात येत होत्या. परंतु, अशा प्रकारच्या बदल्यांना मान्यता देताना शिक्षणाधिकारी कार्यालयात अनियमितता होत असल्याने आणि यासंदर्भात शासनाकडे अनेक तक्रारी प्राप्त झाल्याचे कारण सांगून शासनाने संबंधित बदल्या स्थगित केल्या होत्या. यामुळे अनुदानित विभागात बदलीला शिक्षणाधिकाऱ्यांकडून मान्यता देण्यात येत नव्हती. यामुळे महाराष्ट्रातील अनेक शिक्षक बदली होऊनही वेतनापासून वंचित राहिले होते. परंतु, नुकत्याच झालेल्या प्रीतम शिंदे विरुद्ध महाराष्ट्र शासन या रिट याचिकेत शिक्षणाधिकारी जिल्हा परिषद सातारा यांनी नागपूर खंडपीठाच्या दि.1/12/2022 चा शासननिर्णय रद्द केलेल्या निर्णयाची दखल घेतलेली नाही, असे याचिकाकर्त्यांचे वकील के. डी. ढमाले यांनी न्यायालयाच्या निदर्शनास आणून दिले आणि उच्च न्यायालयाने याबाबत शासनाला बदल्या सुरू करण्याबाबत योग्य ते निर्देश द्यावेत, अशी मागणी युक्तिवाद करताना केली होती. उच्च न्यायालयाच्या निर्देशांमुळे शासनाने तातडीने परिपत्रक काढून अनुदानित महाविद्यालयाकडे होणाऱ्या शिक्षकांच्या बदल्यांवरील स्थगिती शासन उठवत असल्याचे जाहीर केले. सदर प्रकरणाची सुनावणी न्यायमूर्ती नितीन जामदार व न्यायमूर्ती एम. एम. साठ्ये याच्या खंडपीठासमोर घेण्यात आली आहे


PostImage

Vaingangavarta19

May 16, 2024   

PostImage

पिता-पुत्राने मिळून पाठविले एका तरुणास यमसदनी


पिता-पुत्राने मिळून पाठविले एका तरुणास यमसदनी

मला खर्रा का?  दिला नाही याचा राग धरुन केली मारझोड 


नागपूर :- 
मला  खर्रा का दिला नाही या वादातून झालेल्या भांडणात एका तरुणाचा पिता - पुत्राने चाकुने भोकसुन खुन केल्याचे उघडकीस आले आहे
.हत्येची ही घटना वाठोडा येथील संघर्ष नगर झोपडपट्टीत मंगळवारी सायंकाळी घडली. देवी नगर गल्लीत राहणारा ३५ वर्षीय जितेंद्र गुर्जर असे मृतकाचे नाव आहे. आरोपींमध्ये ६० वर्षीय आनंदराव बावनकर आणि त्यांचा मुलगा दिनेश बावनकर (२६) यांचा समावेश आहे. या घटनेची तक्रार मिळाल्यानंतर पोलिसांनी दोन्ही आरोपींना अटक करुन पुढील तपास सुरू केला आहे.

 मंगळवारी सायंकाळी आरोपी आनंदराव हा खर्रा घेण्यासाठी घराजवळील पान टपरी येथे गेला होता. त्यावेळी मृतक जितेंद्रही तेथे पोहोचला होता. दोघेही दारूच्या नशेत असल्याचं सांगण्यात येत आहे. या वेळी जितेंद्रने पान टपरीवरुन खर्रा विकत घेतला होता त्यावेळी आनंदराव यांनी जितेंद्रला खर्रा खायला मागितला  मात्र जितेंद्रने खर्रा देण्यास नकार दिला. यावरुन दोघांमध्ये भांडण झाले. या भांडणात जितेंद्रने आनंदराव यांना मारहाण केली. मात्र या घटनेनंतर आनंदराव यांनी  घरी जाऊन हा घडलेला प्रकार त्यांचा मुलगा दिनेश याला सांगितला. यानंतर दिनेश त्याचे वडील आनंदराव यांच्यासह जितेंद्रच्या शोधात बाहेर पडले. घरापासून काही अंतरावर त्यांनी जितेंद्रला मद्यधुंद अवस्थेत पाहिलं. दिनेश याने जितेंद्रला आपल्या वडिलांना का मारलं? याचा जाब विचारला असता त्यांच्यात वाद झाला. वाद विकोपाला गेला आणि आरोपी पिता- पुत्राने जितेंद्रवर चाकूने हल्ला करुन जितेंद्रला जखमी केले आणि तेथून पळ काढला.

जितेंद्र गंभीर जखमी अवस्थेत रस्त्याच्या कडेला पडलेला पाहून परिसरातील नागरिकांनी पोलीस नियंत्रण कक्षाला घटनेची माहिती दिली. घटनेची माहिती मिळताच वाठोडा पोलीस पथक घटनास्थळी पोहोचले आणि गंभीर जखमी अवस्थेत असलेल्या जितेंद्रला उपचारासाठी वैद्यकीय रुग्णालयात नेलं. मात्र डॉक्टरांनी उपचारादरम्यान त्याला मृत घोषित केले. मात्र, नंतर दोघे पिता-पुत्र परिसरात फिरत असताना पोलिसांनी त्यांना अटक केली आहे


PostImage

Vaingangavarta19

May 15, 2024   

PostImage

अजून किती बळी घेतल्यानंतर गडचिरोली वनविभागाला येणार जाग


अजून किती बळी घेतल्यानंतर गडचिरोली वनविभागाला येणार जाग

अशोक खंडारे मुख्य संपादक वैनगंगा वार्ता १८
गडचिरोली:  जिल्ह्यातील ज़ंगलात स्वापदानांमुळे आजपर्यंत बरेचसे बळी गेले असुन वनविभागाच्या अधिकाऱ्यांची झोप उडाली नसल्याचे चित्र दिसत आहे कुरखेडा तालुक्यातील चारभट्टी येथील तेंदू पत्ता मजूर नतीराम तुळशीराम नरेटी हा इसम आज दिनांक १५ सकाळी 8.30 वाजता जंगलामध्ये तेंदुपत्ता तोडण्यासाठी गेला आणि तेंदूपत्ता संकलन करीत असताना अचानक जंगली डुकराने त्यांच्यावर हल्ला केला त्या हल्ल्यात वरील इसम गंभीर जखमी झाला असून त्याला 
उचारासाठी शासकीय रुग्णालयात दाखल करण्यात आले, दिनांक १३ मे रोजी झालेल्या आंबेशिवणी येथील पार्वता बालाजी पाल वय वर्षे ६४ यापूर्वी चार दिवसाअगोदर वाघाने हल्ला करून जागीच पडशा पाडला ,अहेरी तालुक्यात अशीच एका महिलेवर जंगलात तेंदुपत्ता संकलन करीत असताना रानटी डूक्कराने हल्ला करून तिला गंभीर जखमी केले आणि ती महिला आजही रुग्णालयात उपचार घेत आहे पुन्हा काल दिनांक १४ मे रोजी गडचिरोली तालुक्यातील सावरगाव येथे एका महिलेला तेंदू संकलन करीत असताना झुडपामध्ये दबा धरून बसलेल्या वाघाने अचानकपणे त्या महिलेवर हल्ला करून नरडीच्या घोट घेतला तद्वतच कुरखेडा तालुक्यातील घाटी (गांगोली) येथे तेंदूपत्त्याचा शिजन सुरू झाल्याने घाटी येथील तिनशे ते साडेतीनशे मजूर एकत्रितपणे गाव शेजारी असलेल्या जंगलात पहाटे तेंदूपत्ता संकलनासाठी गेले सदर मजूर तेंदूपत्ता संकलन करीत असताना अचानकपणे जंगली हत्तीने आक्रोश करीत त्या मजूरावर हमला केला तेव्हा सदर मजूर भितीच्या आकांताने आपला जीव वाचवण्यासाठी सैरावैरा पळून गेले मात्र इश्वर नामक मजूर एका झाडावर चढला तरीही रानटी हत्तीचा हैदोस कमी झाला नाही त्या हतींचा एवढा आक्रोश होता की मजूर चढलेल्या झाडाला खाली कोसळवले त्या झाडावर चढून बसलेला मजूर झाडासह खाली कोसळवला परंतु त्याचे नशीब बलवंत्तर म्हणून झाडासोबत खाली पडल्यानंतरही आपला जीव वाचवण्यासाठी उठून त्याने पळ काढला त्यामुळे तो स्वतःचा जीव वाचवू शकला लगेचच वनविभागाला देण्यात आली तेंव्हा वनविभागाचे अधिकारी व कर्मचारी गावात आले असता गावकऱ्यांनी घेराव घालून जर आमच्या जंगलात रानटी हत्ती आले होते तर आम्हाला गावामध्ये मुनारी का देण्यात आली नाही सर्वश्री जवाबदारी वनविभागाची आहे असा हेका गावकऱ्यांनी धरला होता गडचिरोली जिल्ह्यात तेंदूपत्ता सिझन सूरू झाल्यापासून जंगली स्वापदाचे हमले हे मनुष्य प्राण्यावर होत असून नाहक गोरगरीबांचे बळी जात आहेत तेव्हा तेंदूपत्ता संकलन हा सिजन गोरगरीब मजूरांसाठी पोटपाण्याची भाकर आहे अशा परिस्थितीत त्यांची भाकर हिरावल्या जात असेल तर वनविभागाचे काम काय  ? आणि गडचिरोली जिल्ह्यात एकमेव  अभयारण्य सोडता जिल्ह्यात एवढे मोठे स्वापद आले कुठून आणि वनविभागाने ते आणले असतील तर का माहिती दिली नाही असा  प्रश्न जनता करित आहे अजून वनविभाग गडचिरोली जिल्ह्यातील स्वापदामार्फत किती बळी घेतल्यानंतर लक्ष देणार असाही प्रश्न उपस्थित होत आहे


PostImage

खबरदार महाराष्ट्र

May 14, 2024   

PostImage

संत तुकारामांचे विचार समाजासाठी प्रेरणादायी- डॉ. नरेंद्र आरेकर


"संत तुकाराम महाराजांच्या अभंगगाथेतील सामाजिकता" विषयावर व्याख्यान

निबंध स्पर्धेतील विद्यार्थ्यांना बक्षिस वितरण

गडचिरोली, दि. 13: संतांचे जन्म आणि कर्मस्थळ असणारा महाराष्ट्र, संतांची भुमी म्हणून ओळखला जातो. तुकारामांनी भक्ती, साहीत्य व अंभगाद्वारे  समाजात जनजागृती निर्माण करण्याचे कार्य केले. अंधश्रद्धा, नितीमुल्ये, वैज्ञानिक दृष्टीकोन आदी विषयांचा उहापोह तुकारामांनी अभंगगाथेतून केला. तसेच अनेक अभंगातून प्रयत्नवाद व आशावादाचा पुरस्कार केला आहे. त्यांचे विचार परखड स्वरुपाचे असून समाजासाठी प्रेरणादायी असल्याचे प्रतिपादन प्रा.डॉ. नरेंद्र आरेकर यांनी केले. 

निबंध स्पर्धेत सहभागी विद्यार्थ्यांना बक्षिसांचे वितरण आणि "संत तुकाराम महाराजांच्या अभंगगाथेतील सामाजिकता" या विषयावर विद्यापीठ सभागृहात व्याख्यानाचे आयोजन करण्यात आले होते, याप्रसंगी ते बोलत होते.

कार्यक्रमाला प्रमुख वक्ता म्हणून कुरखेडा येथील श्री. गो. मुनघाटे कला, विज्ञान महाविद्यालयातील मराठी विभागप्रमुख प्रा. डॉ. नरेंद्र आरेकर, अध्यासन केंद्राचे प्रमुख डॉ. हेमराज निखाडे, प्रा. डॉ. धनराज पाटील, डॉ. प्रीती पाटील, मराठी विभागाच्या सहायक प्राध्यापक डॉ. सविता गोविंदवार तसेच विद्यापीठातील शिक्षक, शिक्षकेत्तर अधिकारी, कर्मचारी उपस्थित होते.

मागदर्शन करतांना प्रा. डॉ. नरेंद्र आरेकर म्हणाले, धार्मिक संप्रदाय, पंथ आणि संत यांचा विचारांचा प्रभाव कमी झालेला नाही. संताचे विचार आजही आहे. संताचे विचार मागे पडले नसून त्यांच्या विचारांचे सामर्थ्य लक्षात घेणे गरजेचे आहे. तसेच धर्म आणि श्रद्धा यांचा अनन्यसंबध आहे, तो भक्तीच्या मार्गाने सिद्ध होतो. जनता अधंश्रद्धेच्या मार्गाने जाणार नाही याची खबरदारी तुकारामांसह सर्व संतांनी घेतली. तुकारामांचा जनकल्याणाचा कळवळा कोरडा नव्हता तर त्याला कृतीचा सुगंध होता. जनसामान्यापासून अज्ञगण आजही तुकारामांचे अभंग गातात. तुकारामांचे विचार हे समाजातील अनेक वर्गांसाठी प्रेरणादायी असल्याचे डॉ.आरेकर म्हणाले.

आपण जन्माला आलो, तर व्यक्ती म्हणून समाजाचे काही देणे लागतो. आपल्या कार्याचा उपयोग समाजासाठी व्हायला पाहीजे, हे एकदंरीत सतांच्या जीवनकार्यातून शिकायला मिळते, असे सहायक प्राध्यापक डॉ. सविता गोविंदवार म्हणाल्या.

प्रास्ताविकेत बोलतांना, संत तुकाराम महाराज अध्यासन केंद्राचे समन्वयक डॉ. हेमराज निखाडे म्हणाले, गोंडवाना विद्यापीठ परीक्षेत्रातील महाविद्यालयीन विद्यार्थ्यांकडून संत तुकाराम महाराज यांच्या जीवनावर आधारित निबंध मागविण्यात आले होते. त्यांच्या जीवनावर प्रकाश टाकता यावा. त्यांचे विचार तळागळातील नागरीकांसह, विद्यार्थ्यांपर्यंत पोहचावेत हा दृष्टीकोन ठेवून सदर स्पर्धा घेण्यात आली. यामध्ये 18 विद्यार्थ्यांनी सहभाग नोंदविला.
पाहूण्यांचा परिचय मराठी विभागातील सहायक प्राध्यापक डॉ. सविता गोविंदवार यांनी करून दिला. तत्पूर्वी, मान्यवरांच्या हस्ते संत तुकाराम महाराज यांच्या प्रतिमेस माल्यार्पण करण्यात आले.

मान्यवरांच्या हस्ते निबंध स्पर्धेतील विद्यार्थ्यांना बक्षिस वितरण: 

जगद्गुरु संत तुकाराम महाराज यांच्यावर आधारित विद्यापीठस्तरीय निबंध स्पर्धेचे आयोजन करण्यात आले होते. या स्पर्धेत प्रथम क्रमांक प्राप्त ब्रम्हपूरी येथील नेवजाबाई हितकारिणी महाविद्यालयाची विद्यार्थीनी कु. स्नेहा विलास बनपुरकर हिला रोख रु.4 हजार, प्रमाणपत्र व सन्मानचिन्ह, द्वितीय क्रमांक प्राप्त गोंडवाना विद्यापीठाच्या पीजीटीडी कॉमर्स विभागाची विद्यार्थीनी कु. हिमाद्री भूपती गाईन हिला रोख रु 3 हजार, प्रमाणपत्र व सन्मानचिन्ह तसेच तृतीय क्रमांक प्राप्त चंद्रपूर येथील सरदार पटेल महाविद्यालयाचा विद्यार्थी साहिल हस्तक झाडे यास रोख रु. 2 हजार, प्रमाणपत्र व सन्मानचिन्ह देऊन गौरविण्यात आले.
 
त्यासोबतच, प्रोत्साहनपर बक्षिसांमध्ये गोंडवाना विद्यापीठाच्या पीजीटीडी इतिहास विभागाची विद्यार्थिनी सायली मधुकर पालथिया, नवरगाव येथील ज्ञानेश महाविद्यालयाची विद्यार्थिनी डेझी निखारे तसेच चंद्रपूर येथील सरदार पटेल महाविद्यालयाचा विद्यार्थी विशाल आनंदराव निकोडे यांना संत तुकारामाची चरित्रगंगा व प्रमाणपत्र  देऊन सन्मानित करण्यात आले.


PostImage

खबरदार महाराष्ट्र

May 14, 2024   

PostImage

सांस्कृतिक भवन परिसरात टाकाऊ कचऱ्याने सुटली दुर्गंधी! परिसरातील नागरीकांचे आरोग्य …


देसाईगंज / मोहित अत्रे-
      शहराच्या नगर परिषद कार्यालयासमोरील जागेत नागरीकांच्या कराच्या उत्पन्नातुन कोट्यावधी रुपये खर्च करून सांस्कृतिक भवन बांधण्यात आले आहे.सदर सांस्कृतिक भवन शोभेची वस्तु बनल्याचे धक्कादायक वास्तव समोर येत असतांनाच परिसरात टाकलेल्या टाकाऊ कचऱ्याने दुर्गंधी सुटली असुन यामुळे परिसरातील नागरीकांचे आरोग्य धोक्यात आले आहे.ही गंभीर बाब लक्षात घेता नगर प्रशासनाने येथील टाकाऊ कचरा यथाशिघ्र उचलुन विल्हेवाट न लावल्यास नगर परिषद कार्यालयासमोर आंदोलन करण्याचा इशारा काँग्रेस कार्यकर्ते पिंकु बावणे यांनी प्रशासनाला दिला असल्याने नगर पालिका वर्तुळात एकच खळबळ माजली आहे.
      देसाईगंज शहरातील नागरिकांना सामाजिक, सांस्कृतिक तसेच धार्मिक कार्य सोपस्कार पार पाडता यावेत करीता शहराच्या सर्व्हे नं. २४/५ मध्ये ८ एकरात कोट्यावधी रुपये खर्च करून सांस्कृतिक भवन बांधण्यात आले आहे.या सांस्कृतिक भवनात विविध कार्यक्रमांचे आयोजनही करण्यात येत असते.कार्यक्रमाच्या अनुषंगाने जेवणाचे कार्यक्रमही आयोजित करण्यात येत असतात.मात्र अलिकडे हे सांस्कृतिक भवन शोभेची वस्तु ठरू लागले असुन परिसरात तयार करण्यात आलेला बगीचा देखील देखभाल दुरुस्ती अभावी नामशेष झाला आहे.
     दरम्यान कार्यक्रमानंतर उरलेला टाकाऊ कचरा उचलुन डंपिंग यार्ड मध्ये टाकण्यासाठी सफाई कामगार यंत्रणा कार्यरत असताना टाकाऊ कचरा सांस्कृतिक भवन परिसरातच टाकण्यात येत असल्याने कुजलेल्या कचऱ्याला दुर्गंधी सुटून उग्र वास लगतच्या परिसरात  पसरला आहे.हा वास इतका दुर्गंधीयुक्त आहे की यामुळे अनेकांना परिसरात वास्तव्य करणे कठिण होऊ लागले आहे.अनेकांना मळमळ, पोटाचे आजार अशा विविध समस्या जाणवू लागल्या आहेत.ही गंभीर वस्तुस्थिती लक्षात घेता नगर प्रशासनाने येथील कचऱ्याची यथाशिघ्र विल्हेवाट लावण्याची मागणी काँग्रेस कार्यकर्ते पिंकु बावणे यांनी केली असुन समस्या मार्गी लावण्यात न आल्यास नगर परिषद कार्यालयासमोर आंदोलन करण्याचा इशारा दिला आहे. याबाबत नगर प्रशासन काय कारवाई करते याकडे येथील नागरीकांचे लक्ष लागून आहे.


PostImage

खबरदार महाराष्ट्र

May 14, 2024   

PostImage

जिल्हा परिषदेंतर्गत रद्द पदभरतीचे परिक्षा शुल्क परत मिळणार उमेदवारांनी माहिती …


गडचिरोली दि. १३ मे : जिल्हा परिषद अंतर्गत मार्च-2019 व ऑगस्ट-2021 मधील गट-क व आरोग्य विभागाच्या पदभरतीची संपूर्ण प्रक्रिया ग्राम विकास विभागाचे शासन निर्णय दिनांक 21 ऑक्टोबर 2022  अन्वये रद्द करण्यात आली आहे. या पदभरतीच्या जाहिरातीनुसार अर्ज केलेल्या उमेदवारांचे परिक्षा शुल्क परत करण्याच्या अनुषंगाने https://maharddzp.com या संकेतस्थळावर लिंक उमेदवारांसाठी दि. 5 सप्टेंबर 2023 पासुन सुरु करण्यात आली आहे. उमेदवारांनी सदर संकेतस्थळावर आवश्यक माहिती भरावी. त्या अनुषंगाने परिक्षा शुल्क त्यांचे बँक खात्यावर परत करण्यात येईल. ज्या उमेदवारांनी यापुर्वी माहिती भरलेली आहे. अशा उमेदवारांनी स्वत:चे बँक खाते क्रमांक नमुद करुन माहिती अद्यावत करावी. 
उमेदवारांनी चुकीची माहिती भरल्यामुळे परिक्षा शुल्क त्यांचे बँक खात्यावर परत न झाल्यास जिल्हा परिषद, जबाबदार राहणार नाही. तसेच याबाबत उमेदवारांकडुन प्राप्त कोणतीही तक्रार ग्राह्य धरण्यात येणार नाही, याची उमेदवारांनी नोंद घ्यावी, असे जिल्हा परिषद पदभरती निवड समितीचे सदस्य सचिव तथा सामान्य प्रशासनचे उपमुख्य कार्यकारी अधिकारी शेखर शेलार यांनी कळविले आहे. 


PostImage

खबरदार महाराष्ट्र

May 14, 2024   

PostImage

नाट्यश्री कविता स्पर्धेतील एकोणिसाव्या सत्रात पत्रू हनुमंतू गोरंतवार (सुरज) विजयी


गडचिरोली :          
  स्थानिक 'नाट्यश्री साहित्य कला मंच, गडचिरोली' च्या वतीने  "आठवड्यातील उत्कृष्ट कवी व कविता " हा नविन उपक्रम सुरू करण्यात आलेला आहे. त्यानुसार दर आठवड्याला ही स्पर्धा घेण्यात येते.  या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते.  या कवितेला "आठवड्याची उत्कृष्ट कविता व कवीला आठवड्याचे उत्कृष्ट कवी" म्हणून पुरस्कृत करण्यात येते. व पुरस्कार म्हणून एक पुस्तक व आकर्षक प्रमाणपत्राने गौरविण्यात येते. 
           या उपक्रमाचे एकोणविसावे सत्र नुकतेच पार पडले असून यात २५ कवींनी सहभाग नोंदविला होता. या स्पर्धेचा निकाल नुकताच जाहीर करण्यात आला असून त्यात चंद्रपूर जिल्ह्यातील कवी पत्रू हनुमंतू गोरंतवार यांची आठवड्याचे उत्कृष्ट कवी व त्यांच्या " प्रारंभ" या कवितेची आठवड्याची उत्कृष्ट कविता म्हणून निवड करण्यात आली आहे. असे नाट्यश्री चे संचालक व नाटककार चुडाराम बल्हारपुरे,  व कविता विभाग प्रमुख योगेश गोहणे यांनी कळविले आहे. 
             पत्रू हनुमंत गोरंतवार हे  पोंभुर्णा (जिल्हा- चंद्रपूर) येथील रहिवासी असून १०० च्या वर कवितांचे लेखन त्यांनी केलेले आहे. त्यांचे नविन कविता संग्रह प्रकाशनाचे मार्गावर असून नुकत्याच प्रकाशित झालेल्या "रानगर्भ फुलत आहे" या प्रातिनिधिक कविता संग्रहात त्यांच्या दोन कविता प्रकाशित झालेल्या आहेत.  अनेक राज्यस्तरीय पुरस्काराने ते सन्मानित असून सातत्याने कविता लेखनाचे  कार्य करीत आहे.  
        त्यांच्या या यशाबद्दल नाट्यश्री चे दादा चुधरी, दिलीप मेश्राम, प्रा. यादव गहाणे व प्रा. अरुण बुरे तसेच नाट्यश्री च्या सदस्यांनी त्यांचे अभिनंदन केले आहे.
        या एकोणिसाव्या सत्राच्या स्पर्धेत प्रामुख्याने जयराम घोंगडे, संतोष कपाले, वंदना सोरते, सुरज गोरंतवार, राहूल शेंडे,  वसंत चापले, भिमानंद मेश्राम, हरिष नैताम, स्वप्नील बांबोळे,  नरेंद्र गुंडेली, डॉ. चंद्रकांत लेनगुरे, जितू निलेकार,  मारोती आरेवार, गणेश रामदास निकम, तुळशीराम उंदीरवाडे,  चरणदास वैरागडे, पुरुषोत्तम दहिकर,  विलास जेंगठे, मिलींद खोब्रागडे, खुशाल म्हशाखेत्री, रेखा दिक्षित, डॉ. मंदा पडवेकर, सुजाता अवचट, मुर्लीधर खोटेले, पी.डी.काटकर इत्यादी कवींनी सहभाग नोंदविला होता.
         या पुरस्काराचे वितरण नाट्यश्रीच्या पुढील कार्यक्रमात करण्यात येणार आहे.
 
     - चुडाराम बल्हारपुरे (नाटककार)


PostImage

Vaingangavarta19

May 14, 2024   

PostImage

तेंदुपत्ता हंगामात वाघांनी घातले विघ्न,तेंदूपत्ता संकलनासाठी जंगलात गेली महिला वाघाने …


तेंदुपत्ता हंगामात वाघांनी घातले विघ्न,तेंदूपत्ता संकलनासाठी जंगलात  गेली महिला वाघाने हल्ला करून केले ठार.

अशोक खंडारे/मुख्य संपादक वैनगंगा वार्ता

गडचिरोली : -
गडचिरोली मुख्यालयापासून दहा किलोमीटर अंतरावर असलेल्या आंबेशिवणी जवळील बामणी बीट क्रमांक 411 मध्ये आज वाघाने केलेल्या हल्ल्यात 64 वर्षीय महिला ठार झाल्याची घटना घडली आहे.

प्राप्त माहितीनुसार सदर महिला हि तेंदूपत्ता तोडणी करिता पहाटेला जंगलामध्ये गेली होती जंगलात दबा धरून बसलेल्या वाघाने तिच्यावर हल्ला चढवला व तिला ठार केले. 

मृतक महिलेचे नाव पार्वता बालाजी पाल वय,64 वर्ष रा. आंबेशिवणी आहे.


सदर घटनेची माहिती गडचिरोली वन विभागाला देण्यात आलेली असून वन विभागाची टीम आंबेशिवणी येथील बामणी बीट मध्ये दाखल होऊन पंचनामा व पुढील कारवाई करत आहे.


 या घटनेमुळे परिसरात दहशतीचे वातावरण तयार झालेले आहे सदर प्रकरणाची दखल घेत वन विभागाने मृतकाच्या परिवाराला तात्काळ आर्थिक मदत करावी अशी मागणी गावकऱ्यांनी केले आहे.

 या परिसरात वावरत असणाऱ्या वाघाचा तात्काळ बंदोबस्त करावा अशी मागणी सुद्धा याप्रसंगी नागरिकांनी केलेली आहे.

सदर मृतक महिलेचे शवविच्छेदन करण्यासाठी जिल्हा सामान्य रुग्णालय गडचिरोली येथे नेण्यात आले आहे.


PostImage

Vaingangavarta19

May 14, 2024   

PostImage

10 वी CBSE परीक्षेत सौम्या गायकवाड ने मिळविले नेत्रदीपक यश


 10 वी CBSE परीक्षेत  सौम्या गायकवाड ने मिळविले नेत्रदीपक यश

 अशोक खंडारे मुख्य संपादक वैनगंगा वार्ता १९

पिंपरी चिंचवड:-

वर्ग १० सिबिएससी बोर्डाने नुकताच निकाल जाहीर केला असून 2023-24 मध्ये झालेल्या CBCE  10 वीच्या परीक्षेत कु . सौम्या गायकवाड हिने घवघवीत यश संपादन केले आहे

सौम्या शशिकांत गायकवाड ही ब्लासम पब्लिक स्कूल ताथवडे पिंपरी चिंचवडची विध्यार्थीनी आहे व तिने ९४.०२ टक्के मिळवित आपल्या शाळेचे व आई -वडीलांचे नाव रोशन केले आहे 


सौम्या गायकवाड हिने मिळवलेल्या या नेत्रदीपक यशाबद्दल माजी मंत्री प्रा. लक्ष्मण ढोबळे,पंढरपूर-मंगळवेढा विधानसभा मतदारसंघाचे विद्यमान आमदार समाधान आवताडे दैनिक अचूक निदान चे संपादक प्रा डी . के . साखरे भाजप ओ बी सी मोर्चा सोलापूर जिल्हाध्यक्ष विवेक खिलारे ,भीम बाबा संस्था सोलापूर या संस्थेचे संस्थापक अध्यक्ष आनंद मोरे ,  ब्लॉसम शाळेच्या मुख्याध्यापिका व सर्व शिक्षक शिक्षकेतर कर्मचारी  तसेच आई वडील , आजी-आजोबा यांनी तीचे अभिनंदन करून तिच्या पुढील वाटचालीस शुभेच्छा दिल्या आहेत 


PostImage

Vaingangavarta19

May 13, 2024   

PostImage

कतरंगट्टा येथील पोलीस – नक्षल चकमकीत दोन महिला नक्षल्यांसह तिघांना …


कतरंगट्टा येथील पोलीस – नक्षल चकमकीत दोन महिला नक्षल्यांसह तिघांना कंठस्नान

वैनगंगा वार्ता १९

गडचिरोली, दि. 13 : जिल्ह्यातील दक्षिणेच्या जंगल परिसरात पोलीस नक्षल चकमक उडल्याची घटना समोर आली आहे. या चकमकीत दोन महिला नक्षलींसह तिघांना कंठस्नान घालण्यात गडचिरोली पोलिस दलास यश आले आहे. या घटनेने नक्षली संघटनेला मोठा हादरा बसल्याचेही बोलल्या जात आहे.

मिळालेल्या माहितीनुसार, नक्षल्यांच्या टीसीओसी कालावधी दरम्यान पेरमीली दलमचे काही सदस्य भामरागड तालुक्यातील कतरंगट्टा गावाजवळील जंगल परिसरात लपून बले असल्याची माहिती गडचिरोली पोलीस दलास मिळाली असता गडचिरोली पोलिस दलाचे सी-60 जवानांची तुकडी शोधमोहीम रबविण्याकरिता रवाना करण्यात आली. दरम्यान जवानांची तुकडी सदर परिसरात पोहचली असता नक्षल्यांनी जवानांवर अंधाधुंद गोळीबार केला. जवानांनीही प्रत्युत्तरादाखल गोळीबार केला. काही काळ चाललेल्या या चकमकीत जवानांचा वाढता दबाव पाहून नक्षली जंगलाचा फायदा घेत पसार झाले. चकमकीनंतर परिसराची झडती घेतली असता एक पुरुष व दोन महिला नक्षालींचे मृतदेह आढळून आले. दरम्यान मृतकामध्ये पेरिमिली दलमछा प्रभारी आणि विभागीय समितीचा कमांड वासू अशी ओळख पटली असून इतर दोन महिला नक्षल्यांची ओळख पटलेली नाही अशी माहिती आहे.

घटनास्थळावरून मोठ्या प्रमाणात नक्षली साहित्य व स्वयंचलित शस्त्रे जप्त करण्यात आली असून नक्षल्यांच्या मोठा घातपात करण्याछा डाव होता असेही बोलल्या जात आहे. दरम्यान परिसरात नक्षलविरोधी अभियान अधिक गतिमान करण्यात आले आहे.


PostImage

Vaingangavarta19

May 13, 2024   

PostImage

सांस्कृतिक भवन परिसरात टाकाऊ कचऱ्याने सुटली दुर्गंधी


सांस्कृतिक भवन परिसरात टाकाऊ कचऱ्याने सुटली दुर्गंधी

परिसरातील नागरीकांचे आरोग्य धोक्यात,पिंकु बावणेचा आंदोलनाचा इशारा

 

 

अशोक खंडारे/मुख्य संपादक वैनगंगा वार्ता १९

देसाईगंज-
      शहराच्या नगर परिषद कार्यालयासमोरील जागेत नागरीकांच्या कराच्या उत्पन्नातुन कोट्यावधी रुपये खर्च करून सांस्कृतिक भवन बांधण्यात आले आहे.सदर सांस्कृतिक भवन शोभेची वस्तु बनल्याचे धक्कादायक वास्तव समोर येत असतांनाच परिसरात टाकलेल्या टाकाऊ कचऱ्याने दुर्गंधी सुटली असुन यामुळे परिसरातील नागरीकांचे आरोग्य धोक्यात आले आहे.ही गंभीर बाब लक्षात घेता नगर प्रशासनाने येथील टाकाऊ कचरा यथाशिघ्र उचलुन विल्हेवाट न लावल्यास नगर परिषद कार्यालयासमोर आंदोलन करण्याचा इशारा काँग्रेस कार्यकर्ते पिंकु बावणे यांनी प्रशासनाला दिला असल्याने नगर पालिका वर्तुळात एकच खळबळ माजली आहे.
      देसाईगंज शहरातील नागरिकांना सामाजिक, सांस्कृतिक तसेच धार्मिक कार्य सोपस्कार पार पाडता यावेत करीता शहराच्या सर्व्हे नं. २४/५ मध्ये ८ एकरात कोट्यावधी रुपये खर्च करून सांस्कृतिक भवन बांधण्यात आले आहे.या सांस्कृतिक भवनात विविध कार्यक्रमांचे आयोजनही करण्यात येत असते.कार्यक्रमाच्या अनुषंगाने जेवणाचे कार्यक्रमही आयोजित करण्यात येत असतात.मात्र अलिकडे हे सांस्कृतिक भवन शोभेची वस्तु ठरू लागले असुन परिसरात तयार करण्यात आलेला बगीचा देखील देखभाल दुरुस्ती अभावी नामशेष झाला आहे.
     दरम्यान कार्यक्रमानंतर उरलेला टाकाऊ कचरा उचलुन डंपिंग यार्ड मध्ये टाकण्यासाठी सफाई कामगार यंत्रणा कार्यरत असताना टाकाऊ कचरा सांस्कृतिक भवन परिसरातच टाकण्यात येत असल्याने कुजलेल्या कचऱ्याला दुर्गंधी सुटून उग्र वास लगतच्या परिसरात  पसरला आहे.हा वास इतका दुर्गंधीयुक्त आहे की यामुळे अनेकांना परिसरात वास्तव्य करणे कठिण होऊ लागले आहे.अनेकांना मळमळ, पोटाचे आजार अशा विविध समस्या जाणवू लागल्या आहेत.ही गंभीर वस्तुस्थिती लक्षात घेता नगर प्रशासनाने येथील कचऱ्याची यथाशिघ्र विल्हेवाट लावण्याची मागणी काँग्रेस कार्यकर्ते पिंकु बावणे यांनी केली असुन समस्या मार्गी लावण्यात न आल्यास नगर परिषद कार्यालयासमोर आंदोलन करण्याचा इशारा दिला आहे. याबाबत नगर प्रशासन काय कारवाई करते याकडे येथील नागरीकांचे लक्ष लागून आहे.


PostImage

खबरदार महाराष्ट्र

May 12, 2024   

PostImage

गोमनी परिसरातील अवैध रेती चोरीवर आळा घाला: अन्यथा आदोलन; सामाजिक …


गोमानी :-  मुलचेरा तालुक्यातील गोमनी परिसरातील अवैध रेतीच्या चोरीवर आळा घाला अन्यथा दिनांक १६/०५/२०२४ ला वनविभाग कार्यालयासमोर आंदोलन करण्याचा इशारा सामाजिक कार्यकर्ते त्योगाजी कुडवे यांनी आज दिनांक ११/०५/२०२४ रोजी प्रसिद्धी पत्रकातून दिला आहे. 

 सामाजिक कार्यकर्ते योगाजी कुडवे यांनी प्रसिद्धी पत्रकात असे म्हटले आहे कि मुलचेरा तालुक्यातील गोमनी परिसरात गोमनी,आंबटपल्ली व गोविंदपूर या तीन ग्रामपंचायतीचा समावेश आहे.या तीन हि ग्रामपंचायती मार्फत विविध विकासकामे चालू आहेत. 

सदर जिल्ह्यात अजून पर्यंत एकही रेती घाटाचे लिलाव झाले नाही कुठेतरी वनविभागाच्या कर्मचाऱ्यांना संबंधित कंत्राटदार साठगाठ करून रेतीचोरी जोमात करीत आहेत.

असे कंत्राटदार, अधिकारी व कर्मचाऱ्यांनी संगमत केल्याने शासनाच्या महसुलाला कोट्यावधी रुपयांचा चुना लागत आहे.

अश्या निष्क्रिय अधिकारी व कर्मचाऱ्यांवर शासनाने नियमित कारवाही करावी व तात्काळ निलंबित करून ज्या ठिकाणी अवैध उत्खनन व विकास कामे झाले त्या ठिकाणांची चौकशी करून मोका पंचनामा करावा व संपूर्ण अवैध उत्खनन झाले आहे, यास अधिकारी,कर्मचारी यांना जबाबदार धरून त्यांच्या पगारातून झालेल्या उत्खननाचा दंड वसूल करावा अन्यथा दिनांक 16/05/2024 रोजी वन परिक्षेत्र कार्यालय गोमणी समोर आंदोलन करू असा इशारा दिला आहे. 


PostImage

खबरदार महाराष्ट्र

May 12, 2024   

PostImage

भ्रष्टाचार निर्मुलन संघर्ष समितीच्या जिल्हाध्यक्षपदी शंकरभाऊ ढोलगे यांची नियुक्ती


गोमनी;- अखिल भारतीय भ्रष्टाचार निर्मूलन संघर्ष समिती च्या गडचिरोली जिल्हा अध्यक्ष  शंकर  ढोलगे यांची निवड करण्यात आली अखिल भारतीय भ्रष्टाचार निर्मूलन समितीचे राष्ट्रीय अध्यक्ष प्रदीप पाटील खंडापूरकर बाबा यांचा नेतृत्वातखाली 

 निवड करण्यात आली आहे.अनेक भ्रष्टाचाराचे प्रकरण आंदोलन करून उघडकीस आणणारे श्री शंकर ढोलगे.गोरगरिबांना न्याय मिळवून दिला आहे 

यांच्या कार्याची दखल घेऊन राष्ट्रीय अध्यक्षांनी शंकर ढोलगे यांची निवड केली आहे 
 त्यांच्या या नियुक्तीमुळे शंकर ढोलगे यांच्यावर सर्वच क्षेत्रातून अभिवंदनाच्या वर्षाव होत आहे 
 संघटनेमार्फत जनतेची गोरगरिबांची. कामे करून तसेच अन्यायाविरोधात व अत्याचाराच्या विरोधात भ्रष्टाचाराच्या विरोधात आपण कायम प्रयत्नशील राहणार असल्याची आश्वाती त्यांनी यावेळी दिली.
 त्यांच्या या नियुक्तीमुळे श्री. पंडितराव तिडके प्रदेश अध्यक्ष 
 अखिल भारतीय भ्रष्टाचार निर्मूलन संघर्ष समिती महाराष्ट्र राज्य तसेच श्री वसंतरावजी देशमुख प्रदेश कार्यकारिअध्यक्ष भारतीय भ्रष्टाचार निर्मूलन संघर्ष समिती महाराष्ट्र राज्य गडचिरोली जिल्हा अध्यक्ष पदी शंकर ढोलगे यांची नियुक्ती करून जिल्हास्तरावर जिल्ह्यातील गरीब निराधार लोकांवर होत असलेल्या अन्याय अत्याचाऱ्याचा भ्रष्टाचाराच्या विरोधात त्यांना प्रतिकार करण्यासाठी त्यांना न्याय मिळवून देण्याची. त्यांना पुन्हा एक संधी देण्यअखिल भारतीय भ्रष्टाचार निर्मूलन संघर्ष समिती महाराष्ट्र राज्य पदी निवड करण्यात आली.


PostImage

Vaingangavarta19

May 12, 2024   

PostImage

सिनेस्टाईलने पकडले आष्टी पोलीसांनी अवैध दारू तस्करी करणारे वाहण


सिनेस्टाईलने पकडले आष्टी पोलीसांनी अवैध दारू तस्करी करणारे वाहण

१९ लाख २६ हजार रुपयांचा मुद्देमाल जप्त

अशोक खंडारे/मुख्य संपादक वैनगंगा वार्ता १९

गडचिरोली जिल्ह्यातील मध्यवर्ती ठिकाण असलेल्या आष्टी पोलीसांनी सिनेस्टाईलने अवैध दारू तस्करांची गाडी पकडून मोठी कारवाई केली आहे
चंद्रपूर जिल्ह्यातून दारुबंदी असलेल्या गडचिरोली जिल्ह्यात एका स्कार्पीओ वाहनातून अवैध दारू तस्करी होत असल्याचे माहिती मिळताच आष्टी पोलीसांनी नाकाबंदी केली असता महात्मा ज्योतिबा फुले महाविद्यालय समोरील रोडवर वाहनांची तपासणी करीत असताना एम एच ३२ एक एच ५५५६ ह्या वाहनास पोलीसांनी थांबविण्यास प्रयत्न केला तेव्हा सदर वाहन चालकाने पोलीसांच्या अंगावर गाडी घालण्याचा प्रयत्न केला व तात्काळ वाहन मागे वळविला व आष्टी येथील डॉ बाबासाहेब आंबेडकर चौक येथून चामोर्शी रोडकडे कुच केली
आष्टी पोलीसांनी त्यांचा पाठलाग केला व चामोर्शी. पोलीसांना कळविले त्यानुसार दारु तस्कर वाहन भरधाव वेगाने पळून जात असताना  शासकीय बांधकाम विभाग चामोर्शी येथे पकडले व वाहंनाची चौकशी केली असता आय बी कंपनी चे ४८ बॉटली किंमत ९६००० रुपये,देशी दारू ४०  बॉक्स किंमत ३२००० रुपये व वाहण किंमत पंधरा लाख रुपये वापराती माल असा विस लाख रुपयांचा मुद्देमाल  पोलीसांनी जप्त केला आहे
आरोपी निखील राजू क्षिरसागर
वय २१ रा. गवराळा ता. भद्रावती ,  नितेश वशिष्ठ चंदनखेडे वय ३४ रा. भद्रावती याचे विरुद्ध कलम ३०७ ,३४भादवी सहकलम ६५(अ),८३ मदाका,१८४ मोवाका अन्वये गुन्हा दाखल करण्यात आला आहे 
सदरची  कारवाई पोलीस निरीक्षक विशाल काळे यांच्या मार्गदर्शनाखाली पोलीस उपनिरीक्षक दयाल मंडल,अतुल तराडे, देविदास मानकर, पोलीस शिपाई अतुल तोडासे,संतोश नागुलवार,मुनेश रायशिडाम,पराग राजुरकर,मेदाळे यांनी केली आहे


PostImage

Vaingangavarta19

May 12, 2024   

PostImage

नदी पात्रात रेती उपसा करताना महसुल विभागाच्या पथकाने पकडले चार …


नदी पात्रात रेती उपसा करताना महसुल विभागाच्या पथकाने पकडले चार ट्रॅक्टर 

 

प्रमोद झरकर - उपसंपादक वैनगंगा वार्ता १९

 

मुल : 
तालुक्यातील मारोडा- पेटगांव मार्गावरील उश्राळा गावालगत असलेल्या उमानदीच्या पात्रातच रेती उपसा करताना महसूल विभागाच्या अधिकाऱ्यांनी चार ट्रॉक्टर पकडून मोठी कारवाई केली आहे 
मिळालेल्या माहितीच्या आधारे रेती उपसा करणा-यांवर आळा घालण्यासाठी नायब तहसिलदार नंदकिशोर कुमरे यांचे नेतृत्वात भरारी पथक तयार करण्यांत आले.तयार करण्यात आलेल्या भरारी पथकातील मंडल अधिकारी,संजय कानकाटे, दिपक गोहणे,तलाठी,शंकर पिदुरकर आणि महेश पेंदोर यांनी आज पहाटे 4 वाजता पासून उश्राळा रेती घाटालगत पाळत ठेवली. 
पाळतीवर असतांना चार ट्रॅक्टर सदर रेती घाटावर रेतीचा उपसा करण्यासाठी आले.दरम्यान 8.40 वा.चे दरम्यान भरारी पथकाने धाड मारत रेतीने भरलेले तीन आणि रेती भरण्याचे उद्देशाने उभा असलेला एक असे चार ट्रॅक्टर ताब्यात घेतले.
 ताब्यात घेतलेल्या ट्रॅक्टरची अधिक माहिती घेतली असता सदर ट्रॅक्टर मारोडा येथील सचिन गुरनूले,विकास चौधरी,बाळु मंडलवार आणि श्रीकोंडावार यांच्या मालकीचे असल्याचे समजले. भरारी पथकाने ताब्यात घेतलेले ट्रॅक्टर तहसिल कार्यालयात आणले असून नियमानुसार कारवाई करण्यांत येत आहे.
ताब्यात घेतलेल्या ट्रॅक्टर पैकी दोन ट्रॅक्टरवर नंबर प्लेट नसुन बांधकाम पुर्ण करण्यासाठी अनेकांना रेतीची आवश्यकता असल्याची संधी साधुन तालुक्यातील अनेक मंडळी रेतीचा अवैद्य व्यवसायात गुंतले आहेत.
रेतीचा अवैद्य उपसा करतांना तीन ट्रॅक्टर ताब्यात घेतले, महसुल विभागाच्या भरारी पथकाच्या कारवाईने रेती व्यावसायीकांचे धाबे दणाणले आहेत